Enter your Email Address to subscribe to our newsletters
रायपुरम् 09 जूनमासः (हि.स.)।
छत्तीसगढे मुख्यमन्त्रिणः विष्णुदेव सायस्य अध्यक्षतायाम् अद्य मङ्गलवासरे प्रातः ११ वादने मन्त्रालये राज्यमन्त्रिपरिषदः महत्त्वपूर्णम् उपवेशनम् आयोज्यते। उपवेशनं प्रति सर्वैः विभागैः स्वीयाः सज्जताः पूर्णीकृताः सन्ति।
उपवेशने खरीफ-ऋतुम् अवलोक्य कृषकाणां कृते खादस्य बीजस्य च उपलब्धेः विस्तृतसमीक्षा क्रियमाणस्य सम्भावना अस्ति। सर्वकारः एतस्मिन् विषये विशेषबलं दातुं शक्नोति यत् प्रदेशस्य कृषकेभ्यः कृषिकार्यार्थम् आवश्यकसंसाधनानि समये एव उपलब्धानि भवेयुः।
सूत्राणाम् अनुसारं मन्त्रिपरिषदि विविधविभागसम्बद्धेषु अनेकमहत्त्वपूर्णप्रस्तावेषु अपि विचारः भविष्यति। विकासकार्याणां गतिवर्धनं, जनकल्याणकारीयोजनानां प्रभाविकार्यान्वयनम् तथा प्रशासनिकसुधारसम्बद्धविषयाः उपवेशनस्य कार्यसूच्यां समाविष्टाः भवितुम् अर्हन्ति।
Hindusthan Samachar / Dheeraj Maithani