नव दिल्ली, 09 जूनमासः (हि.स.)।

काङ्ग्रेसदलेन प्रधानमन्त्री नरेन्द्रमोदिनः तृतीयकार्यकालस्य शपथग्रहणस्य वर्षगांठ्यां उज्ज्वलायोजनायाः अन्तर्गतं अनुदानयुक्तगैसपात्राणां सङ्ख्यान्यूनता, मूल्यवृद्धिः, अर्थव्यवस्था, बेरोजगारी, प्रश्नपत्रप्रस्रवणम्, कृषकाणाम् आत्महत्याः इत्यादीन् अनेकान् विषयान् आधृत्य प्रश्नाः उत्थापिताः।

काङ्ग्रेसदलीयस्य अनुसन्धानविभागस्य अध्यक्षः राजीवगौडः मङ्गलवासरे दलस्य मुख्यालये पत्रकारैः सह वार्तालापे उक्तवान् यत् शासनं भारतः विश्वस्य तृतीयवृहत्तमायाः अर्थव्यवस्थायाः दिशि प्रगच्छति इति दावा करोति, परन्तु वस्तुस्थितिः एषा यत् भारतः चतुर्थस्थानात् अपसृत्य षष्ठस्थाने गतः अस्ति। रूप्यकस्य दुर्बलता शासनस्य आर्थिकप्रबन्धनस्य असफलतायाः प्रमाणम् अस्ति। निवेशकाः भारतात् विमुखाः भवन्ति तथा मूल्यवृद्धिः निरन्तरं वर्धते।

गौडः अग्रे उक्तवान् यत् मोदीशासनेन उज्ज्वलायोजनायाः लाभग्राहिभ्यः प्रदीयमानानां गैसपात्राणां सङ्ख्या नवभ्यः चतुर्षु न्यूनीकृता। दशवर्षपूर्वं महिलाभ्यः सुरक्षितं स्वच्छं च ईन्धनं प्रदास्यते इति प्रतिज्ञा कृता आसीत् तथा प्रत्येकलाभग्राहिणे द्वादश गैसपात्राणि प्रदास्यन्ते इति घोषणा अपि कृता आसीत्। गतवर्षे एषा सङ्ख्या नवसु न्यूनीकृता तथा अधुना चतुर्षु कृता। तेन आरोपः कृतः यत् मोदीशासनस्य प्रतिज्ञाः केवलं प्रचारपर्यन्ताः सीमिताः सन्ति तथा वास्तविकरूपेण जनेभ्यः कापि राहतिः न प्रदीयते।

काङ्ग्रेसदलीयस्य अनुसन्धाननिगरानीविभागस्य प्रभारी अमिताभदुबे उक्तवान् यत् वर्षात् २०१४ आरभ्य अद्यपर्यन्तं गृहस्थगैसस्य मूल्यं १२३ प्रतिशतपरिमाणेन, पेट्रोलस्य मूल्यं ४४ प्रतिशतपरिमाणेन, डीजलस्य मूल्यं ७३ प्रतिशतपरिमाणेन च वर्धितम् अस्ति। दुग्धस्य दालधान्यानां च मूल्ये क्रमशः ७१ तथा ८४ प्रतिशतपरिमाणेन वृद्धिः अभवत्। तेन उक्तं यत् मोदीशासनेन रोजगारस्य, सूक्ष्मलघुमध्यमोद्योगानाम्, कृषकाणाम्, शिक्षाव्यवस्थायाश्च विषये महान् प्रतिज्ञाः कृताः, किन्तु वस्तुस्थितिः एषा यत् चतुर्षु स्नातकेषु एकः बेरोजगारः अस्ति, नगरीययुवकानां बेरोजगारिदरः १८.४ प्रतिशतं वर्तते, गतवर्षे चत्वारिंशत्सहस्राणि सूक्ष्मलघुमध्यमोद्योगसंस्थानि पिहितानि तथा प्रतिघण्टं एकः कृषकः आत्महत्यां करोति।

तेन दावा कृतः यत् शिक्षाव्यवस्थायाः आधुनिकीकरणस्य घोषणानां सत्तापि अधुना यावत् ८९ प्रश्नपत्रप्रस्रवणघटनाः तथा ४८ पुनःपरीक्षाः सम्पन्नाः। तेन केन्द्रीयशिक्षामन्त्री धर्मेन्द्रप्रधानस्य त्वरितं त्यागपत्रस्य मागणी कृता।

तेन उक्तं यत् स्मार्टसिटीनगराणां रेलव्यवस्थायाश्च विषये कृतानां दावानाम् अपि सत्तापि देशस्य जनाः उष्णतया, प्रदूषणेन, अव्यवस्थितपरिवहनेन च पीड्यन्ते। एनसीआरबी संस्थायाः आँकडानुसारं रेलमार्गेषु २२,४१३ जनानां मृत्युः अभवत् तथा वर्षे २०२४ २५ मध्ये ३१ महत्यः रेलदुर्घटनाः अभवन्। केवलं द्विप्रतिशतं रेलमार्गेषु एव कवचसुरक्षाप्रणाली प्रवर्तिता अस्ति।।

---------------

Hindusthan Samachar / Dheeraj Maithani