धर्मशाला, 09 जूनमासः (हि.स.)।

हिमाचलप्रदेश विद्यालयशिक्षामण्डलस्य धर्मशालास्थितस्य अध्यक्षः डॉ. राजेश शर्मा अवदत् यत् १३ जून् दिनाङ्के धर्मशालानगरे भारतदेशस्य अफगानिस्तानदेशस्य च मध्ये आयोज्यमानस्य एकदिवसीयस्य अन्ताराष्ट्रियस्य क्रिकेटस्पर्धायाः दिने टेटपरीक्षाणां कारणात् अभ्यर्थिभिः समयात् पूर्वमेव परीक्षा केन्द्रेषु उपस्थितव्यं भविष्यति।

ते अवदन् यत् अस्मिन् दिने धर्मशालायां तदुपकण्ठप्रदेशेषु च यातायातभारस्य वृद्धेः सम्भावना वर्तते। अतः अभ्यर्थीनां परीक्षा केन्द्रेषु गन्तुं सामान्यकालात् अधिकः समयः व्यतीतुं शक्नोति।

ते अवदन् यत् प्रशिक्षितस्नातकशिक्षक कला वर्गस्य टेट परीक्षा १३ जून् दिनाङ्के प्रातः १० वादनतः १२:३० वादनपर्यन्तम् आयोजिता भविष्यति तथा प्रशिक्षितस्नातकशिक्षक चिकित्साविज्ञान वर्गस्य परीक्षा तस्मिन्नेव दिने अपराह्णे २ वादनतः ४:३० वादनपर्यन्तम् आयोजिता भविष्यति।

ते अवदन् यत् विशेषतः धर्मशालामार्गेण सम्बद्धेषु परीक्षा केन्द्रेषु परीक्षां दातुं गच्छद्भ्यः अभ्यर्थिभ्यः परामर्शः प्रदीयते यत् ते कस्यापि प्रकारस्य असुविधायाः परिहाराय स्वयात्रायाः पूर्वयोजनां कुर्वन्तु तथा यथाशक्ति एकदिनपूर्वमेव धर्मशालाक्षेत्रे आगमनं सुनिश्चितं कुर्वन्तु। एतेषु परीक्षा केन्द्रेषु राजकीयं वरिष्ठमाध्यमिकविद्यालयं बालिका धर्मशाला, राजकीयं वरिष्ठमाध्यमिकविद्यालयं मटौर, राजकीयं वरिष्ठमाध्यमिकविद्यालयं शाहपुर तथा राजकीयं वरिष्ठमाध्यमिकविद्यालयं दाड़ी इति समाविष्टानि सन्ति।

डॉ. राजेश शर्मा अवदत् यत् अभ्यर्थिनः परीक्षा केन्द्रे निर्धारितसमयात् पर्याप्तपूर्वमेव उपस्थितिं कुर्वन्तु तथा स्वप्रवेशपत्रं अन्यान् आवश्यकलेखपत्रान् च सह आनयन्तु। ते अवदन् यत् एषः परामर्शः केवलम् अभ्यर्थीनां सुविधायै तथा परीक्षायां समयोचितोपस्थितेः सुनिश्चितीकरणाय प्रकाशितः अस्ति।

मण्डलाध्यक्षेण सर्वेभ्यः अभ्यर्थिभ्यः परीक्षायै शुभाशंसाः प्रदत्ताः तथा तैः परीक्षासम्बद्धानां सर्वेषां निर्देशानां पालनं करणीयम् इति आग्रहः कृतः।

Hindusthan Samachar / Dheeraj Maithani