नवदिल्ली, 09 जूनमासः (हि.स.)।

केन्द्रीयगृहमन्त्री सहकारितामन्त्री च अमितशाहः मङ्गलवासरे अवदत् यत् प्रधानमन्त्रिणः नरेन्द्रमोदिनः नेतृत्वे देशेन गतद्वादशवर्षेषु कल्याणकारीयोजनासु आधारभूतसंरचनायां सामाजिकसुरक्षायां आर्थिकविकासे च अभूतपूर्वा प्रगतिः साधिता अस्ति।

अमितशाहः सामाजिकमाध्यममञ्चे एक्स इत्यत्र अलिखत् यत् नरेन्द्रमोदी अद्य एव तस्मिन् दिने तृतीयवारं निरन्तरं प्रधानमन्त्रिपदस्य शपथं गृहीतवान् आसीत्। मोदिनः नेतृत्वे एतेषु द्वादशवर्षेषु देशेन प्रथमवारं दरिद्रकल्याणं च अभूतपूर्वविकासं च समकालमेव साकाररूपेण दृष्टम्। सः उक्तवान् यत् प्रधानमन्त्री मोदी एकमपि दिवसं विश्रामं विना निरन्तरं देशस्य देशवासिनां च सेवा कृतवान् अस्ति। अस्मिन् अवधौ सर्वकारेण अशीतिकोटिभ्यः जनभ्यः निःशुल्कं राशनं प्रदत्तम् तथा च देशव्यापी रूपेण नवत्यधिकाः नूतनाः विमानपत्तनानि शतचत्वारिंशदधिकाः वन्देभारतयानानि च प्रारब्धानि।

शाहस्य अनुसारेण चत्वारिकोट्यधिकेभ्यः दरिद्रपरिवारेभ्यः पक्कगृहाणि प्रदत्तानि लक्षपञ्चचत्वारिंशत्सहस्रकिलोमीटरपरिमिताः मार्गाः त्रिसहस्रकिलोमीटराधिकपरिमिताः आधुनिकाः द्रुतमार्गाः च निर्मिताः। गृहमन्त्री अवदत् यत् पञ्चाशत्कोटिभ्यः जनभ्यः पञ्चलक्षरूप्यकपर्यन्तं स्वास्थ्यबीमासंरक्षणं प्राप्तम् तथा च दशकोट्यधिकेभ्यः परिवारेभ्यः एलपीजी संयोजनानि प्रदत्तानि। सः अयम् अपि दावा अकरोत् यत् भारतम् अद्य विश्वस्य शीघ्रतमवर्धमानासु प्रमुखार्थव्यवस्थासु अग्रगण्यं जातम् अस्ति।

शाहः अवदत् यत् एतादृशः परिवर्तनः तदैव सम्भवति यदा नेतृत्वस्य नीयतिः विशुद्धा भवति लक्ष्यं राष्ट्रियहितं भवति समर्पणं च पूर्णं भवति।

---------------

Hindusthan Samachar / Dheeraj Maithani