Enter your Email Address to subscribe to our newsletters
भोपालनगरम्, ०९ जूनमासः (हि.स.)। प्रधानमन्त्री-सुरक्षित-मातृत्व-अभियानस्य सफलतापूर्वकं दश-वर्ष-पूर्णतायाः अवसरस्य उपलक्ष्ये अद्य मङ्गलवासरे प्रदेशस्य सर्वेषु जनपदेषु विशेष-पीएमएसएमए-शिविराणि आयोज्यन्ते। राज्यस्य सर्वेषु शासकीय-चिकित्सा-महाविद्यालयेषु, जनपद-चिकित्सालयेषु, सिविल-चिकित्सालयेषु, सामुदायिक-स्वास्थ्य-केन्द्रेषु, प्राथमिक-स्वास्थ्य-केन्द्रेषु तथा आयुष्मान-आरोग्य-मन्दिरेषु गर्भवतीभ्यः महिलाभ्यः गुणात्मकाः मातृ-स्वास्थ्य-सेवाः प्रदास्यन्ते।
राष्ट्रीय-स्वास्थ्य-अभियानस्य अपर-अभियान-सञ्चालिका दिशा-प्रणय-नागवंशी-महोदया अवदत् यत् विशेष-शिविरेषु गर्भवतीनां प्रसवपूर्व-प्रसवोत्तर-परीक्षणम्, नव-पञ्जीकृतानां तथा अपञ्जीकृतानां गर्भवतीनां पञ्जीकरणम्, उच्च-समस्यायुक्त-गर्भवतीनां परिचयनम्, उपचारः तथा नियमित-अनुवर्तनं सुनिश्चितं भविष्यति। महिलानां रक्तचापस्य, भारस्य, बीएमआई-मापनस्य, चिकित्सकीय-प्रसूति-इतिहासस्य परीक्षणेन सह आवश्यक-प्रयोगशाला-परीक्षणानि अपि क्रियन्ते।
सा अवदत् यत् अभियानस्य अन्तर्गतं हीमोग्लोबिन-परीक्षणम्, मूत्रे एल्बुमिन-शर्करा-परीक्षणम्, एचआईवी, हेपेटाइटिस-बी, सिफिलिस्, मलेरिया, सिकल-सेल-परीक्षणम्, रक्त-समूह-निर्धारणम् तथा ओजीटीटी इत्यादीनि महत्त्वपूर्ण-परीक्षणानि उपलब्धानि भविष्यन्ति। आवश्यकतानुसारं सोनोग्राफी तथा विशेषज्ञ-परामर्शस्य सुविधा अपि प्रदास्यते। सर्वेषु स्वास्थ्य-संस्थानेषु आयरन्-फोलिक-अम्लम्, कैल्शियम् तथा अन्य-आवश्यक-औषधानां उपलब्धता सुनिश्चितीकृता अस्ति।
उच्च-समस्यायुक्त-गर्भवतीनां समीपे सेवाः प्रापयितुं आशा-कार्यकर्तृभिः, एएनएम-कर्मिभिः, सामुदायिक-स्वास्थ्य-अधिकारिभिः तथा सुमन-हेल्प-डेस्कद्वारा सक्रिय-सहभागिता भविष्यति। आवश्यकतायुक्ताभ्यः महिलाभ्यः १०८-एम्बुलेन्स-सेवाद्वारा निःशुल्क-परिवहन-सुविधा अपि प्रदास्यते। प्रदेशव्यापि व्यापक-जनजागरूकता-अभियानम् अपि सञ्चालयिष्यते। ग्राम-स्तरे प्रचार-प्रसारः, सामाजिक-माध्यम-अभियानम्, वीएचएसएनडी-कार्यक्रमाः, जन-आरोग्य-समितयः, स्व-सहायता-समूहाः तथा पञ्चायती-राज-संस्थाः इत्यादीनां माध्यमेन सुरक्षित-मातृत्वस्य विषये जागरूकता वर्धयिष्यते।
उपमुख्यमन्त्री राजेन्द्र-शुक्ल-महोदयः प्रदेशस्य सर्वाभ्यः गर्भवतीभ्यः महिलाभ्यः तेषां परिजनेभ्यश्च आह्वानं कृतवान् यत् ते विशेष-प्रधानमन्त्री-सुरक्षित-मातृत्व-अभियान-शिविरेषु उपस्थाय निःशुल्क-परीक्षण-परामर्श-उपचार-सुविधानां लाभं गृह्णीयुः। सः अवदत् यत् गर्भावस्थायां समयोचित-परीक्षणेन तथा उच्च-समस्यायुक्त-स्थितीनां शीघ्र-परिचयेन मातृ-शिशु-मृत्युदरे न्यूनता आनेतुं शक्यते तथा सुरक्षित-मातृत्वं सुनिश्चितं कर्तुं शक्यते। अस्य अभियानस्य जनान्दोलनरूपेण सञ्चालनं कृत्वा प्रत्येकां गर्भवतीं प्रति गुणात्मक-प्रसवपूर्व-सेवानां उपलब्धता सुनिश्चितीकरणीयम्, येन मातृ-शिशु-मृत्युदरे अधिका न्यूनता साधिता भवेत्।
अपर-अभियान-सञ्चालिका दिशा-प्रणय-नागवंशी-महोदया अवदत् यत् प्रधानमन्त्री-सुरक्षित-मातृत्व-अभियानस्य अन्तर्गतं मध्यप्रदेशे मातृ-स्वास्थ्य-सेवानां सुदृढीकरणदिशि उल्लेखनीयाः उपलब्धयः प्राप्ताः सन्ति। वित्तीय-वर्षे २०२५-२६ मध्ये अभियाने पञ्जीकृतासु १४.३१ लक्ष-गर्भवतीषु १०.२५ लक्ष-गर्भवतीनां प्रसवपूर्व-परीक्षणम् (एएनसी) सम्पन्नम्, यत् समग्र-पञ्जीकृत-गर्भवतीनां प्रायः ७२ प्रतिशतं भवति। परीक्षण-काले २.९४ लक्ष-महिलाः उच्च-जोखिमयुक्त-गर्भावस्थायाः (एचआरपी) रूपेण चिह्निताः, तासु २.६० लक्षाः अर्थात् ८८ प्रतिशत-गर्भवतीभ्यः निर्धारित-प्रोटोकॉल-अनुसारम् आवश्यक-उपचारः, प्रबन्धनम् तथा सन्दर्भण-सेवाः प्रदत्ताः।
Hindusthan Samachar / Divya Ranjan