Enter your Email Address to subscribe to our newsletters
जोधपुरम्, 09 जूनमासः (हि.स.)। शिक्षाक्षेत्रे राजकीयविद्यालयानां वर्धमानगुणवत्तां प्रमाणयन्त्यः महात्मा गान्धी राजकीय उच्च माध्यमिक विद्यालयस्य अङ्ग्रेजीमाध्यमस्य माता का थान इत्यस्य त्रयः छात्र्यः राष्ट्रियस्तरीयविद्यार्थिवृत्तियोजनायाम् एनएमएमएस इत्यस्यां चयनं प्राप्य विद्यालयस्य क्षेत्रस्य च नाम गौरवान्वितं कृतवन्त्यः।
विद्यालयस्य प्रधानाचार्या जया पुरोहित उक्तवती यत् अस्यां प्रतिष्ठितायां राष्ट्रियविद्यार्थिवृत्तिपरीक्षायां विद्यालयस्य पूजा चौधरी १४८ अङ्कान्, साक्षी परिहार १३४ अङ्कान् तथा हेमेन्द्र कंवर महावीरसिंहस्य पुत्री ११५ अङ्कान् प्राप्य सफलता प्राप्तवत्यः। प्रधानाचार्या सूचितवती यत् अस्याः राष्ट्रियस्तरीयायाः कल्याणकारीयोजनायाः अन्तर्गतं चयनिताभ्यः छात्रीभ्यः अग्रिमाध्ययनस्य निरन्तरतार्थं आगामिचतुर्षु वर्षेषु प्रतिवर्षं १२ सहस्ररूप्यकाणां विद्यार्थिवृत्तिः प्रदास्यते।
प्रधानाचार्या उक्तवती यत् २०२४ तमे वर्षात् आरभ्य अद्यपर्यन्तं अस्मात् विद्यालयात् कुलं पञ्च विद्यार्थिनां चयनं एनएमएमएस योजनायां सम्पन्नम् अस्ति।
Hindusthan Samachar / Dheeraj Maithani