किङ्स्टन-नगरम्, ०९ जूनमासः (हि.स.)। सोमवासरे निरन्तरं द्वितीयवारम् अपि वर्षया क्रीडायां विघ्नः उत्पन्नः, येन वेस्टइण्डीज-श्रीलङ्का-दलयोः मध्ये सबीना-पार्क-क्रीडाङ्गणे आयोजनीयः तृतीयः अन्तिमश्च एकदिवसीय-स्पर्धा एकमपि कन्दुकं न क्षिप्त्वा निरस्ता अभवत्। अनेन सह श्रीलङ्का त्रि-स्पर्धात्मकां एकदिवसीय-शृङ्खलां १-० इति परिणामेन स्वनाम्नि कृतवती।

शृङ्खलायाः प्रथम-स्पर्धायां प्राप्तानां ४१-धावनानां विजयेन श्रीलङ्कायाः निर्णायक-प्राधान्यं स्थापितम् आसीत्, यदा तु अनन्तरस्ये उभे स्पर्धे वर्षायाः कारणात् निरस्ते अभवताम्।

स्पर्धा-अधिकारिभिः बहुवारं क्रीडाक्षेत्रस्य निरीक्षणं कृतम्, किन्तु क्रीडाक्षेत्र-प्रबन्धकेन सह विचार-विमर्शानन्तरं निर्णीतं यत् निर्धारित-समय-सीमायाः अन्तः २०-ओवरात्मकां स्पर्धां प्रारब्धुं न शक्यते।

अयं विजयः श्रीलङ्कायाः कृते ऐतिहासिकः सिद्धः, यतः दलं २३ वर्षानन्तरं कैरेबियाई-भूमौ एकदिवसीय-शृङ्खलां विजेतुं सफलम् अभवत्। अस्य पूर्वं श्रीलङ्कया वर्षे २००३ तमे वेस्टइण्डीज-देशे एकदिवसीय-शृङ्खला विजिता आसीत्।

नव-नियुक्तस्य मुख्य-प्रशिक्षकस्य गैरी-कर्स्टन-महोदयस्य तथा नूतन-नायकस्य कुसल-मेण्डिस-महोदयस्य कृते एष: उत्कृष्ट: आरम्भः अभवत्। तथापि वर्षायाः कारणात् दलाय अधिक-अभ्यास-स्पर्धानां अवसरः न प्राप्तः।

शृङ्खला-विजयानन्तरं कप्तानः कुसल-मेण्डिस उक्तवान्, “शृङ्खला-विजयेन अहं अत्यन्तं हृष्टः अस्मि। प्रथम-स्पर्धायां वयं बल्लेबाजी-कन्दूकक्षेपण-क्षेत्ररक्षण-क्षेत्रेषु उत्कृष्टं प्रदर्शनं कृतवन्तः। अग्रिम-विश्वकपात् पूर्वं बहवः स्पर्धाः न सन्ति, अतः नायरूपेण मम प्रथम-शृङ्खला-विजयः विशेषः अस्ति। प्रशिक्षण-दलस्य अपि पूर्णं सहयोगं प्राप्तम्।”

अपरतः वेस्टइण्डीज-दलस्य कृते अयं परिणामः निराशाजनकः अभवत्। दलं पुनरागमनस्य अवसरं न प्राप्तवत् तथा च तेन त्रिवर्षानन्तरं स्वगृहे प्रथम-एकदिवसीय-शृङ्खला-पराजयः अनुभूतः।

अस्य पराजयस्य प्रभावः विश्वकप-योग्यता-निर्धारण-प्रतिस्पर्धायामपि पतितुं शक्नोति। वेस्टइण्डीज-दलं सम्प्रति एकदिवसीय-क्रमाङ्कने दशमे स्थाने वर्तते तथा च २०२७-विश्वकपाय प्रत्यक्ष-योग्यतां प्राप्नुवन्तीनां शीर्ष-अष्ट-दलानां बहिः अस्ति। आगामिषु दिनेषु तेन न्यूजीलैण्ड-भारतादिभिः सुदृढ-दलैः सह शृङ्खलाः खेलितव्याः सन्ति।

वेस्टइण्डीज-नायक: शाई-होप: उक्तवान्, “ऋतु: अस्माकं नियन्त्रणाधीनः नास्ति। प्रथम-स्पर्धायां श्रीलङ्कया श्रेष्ठं प्रदर्शनं कृतम्, अतः विजयस्य श्रेयः तस्मै दलाय एव गच्छति। अधुना अस्माकं ध्यानं टी-२०-शृङ्खलायाम् अस्ति, तथा च परिस्थितीनुसारं स्वानुकूलनं करणीयम्।”

अधुना उभे दले टी-२०-शृङ्खलायाः सज्जतां करिष्यतः। त्रि-स्पर्धात्मिका टी-२०-शृङ्खला ११ जूनमासात् प्रारभ्यते, यदा तु अनन्तर-स्पर्धे १३ तथा १४ जूनमासयोः भविष्यतः। सर्वाः स्पर्धाः किङ्स्टन-नगरस्य अस्मिन्नेव क्रीडाङ्गणे आयोज्यन्ते।

यद्यपि अग्रिमेष्वपि दिनेषु वर्षायाः सम्भावना वर्तते, अतः क्रीडाङ्गण-कर्मचारिणां सम्मुखे स्पर्धानां समये आयोजनस्य महती समस्या भविष्यति।

Hindusthan Samachar / Divya Ranjan