Enter your Email Address to subscribe to our newsletters
पश्चिम-बर्दवान-जनपदः, ०९ जूनमासः (हि.स.)। पश्चिमबङ्गस्य बर्नपुरे पूर्व-भारतस्य बृहत्तमा हरित-क्षेत्रीय-इस्पात-विस्तार-परियोजना आरभ्यते। अस्याः अन्तर्गतं विश्वस्य अत्याधुनिकः विशालश्च ब्लास्ट-फर्नेस स्थाप्यते। एतेन दुर्गापुर-आसनसोल-बर्नपुर-औद्योगिक-क्षेत्रस्य विकासाय नूतना गतिः प्राप्स्यते।
सेल-संस्थया प्रस्तावितस्य विशाल-निवेशस्य अन्तर्गतं आईएसपी तथा दुर्गापुर-इस्पात-संयन्त्रयोः विस्तारः आधुनिकीकरणं च क्रियते। परियोजनायाः मुख्य-उद्देश्यं उच्च-गुणवत्तायुक्तस्य वाहन-निर्माणोपयोगिनः इस्पातस्य उत्पादनम् अस्ति, येन वाहन-निर्माण-अभियांत्रिकी-तथा विद्युत्-वाहन-उद्योगेषु नूतन-अवसराः सृज्यन्ते।
विशेषज्ञाः मन्यन्ते यत् बर्नपुरस्य एषः विकासः पश्चिमबङ्गस्य औद्योगिक-पुनर्जागरणस्य नूतनः अध्यायः सिद्धः भवितुम् अर्हति तथा राज्यं विद्युत्-वाहन-निर्माणस्य प्रमुख-केन्द्ररूपेण अपि प्रतिष्ठापयितुं शक्नोति।
राजेन्द्रनाथ-मुखर्जी-महोदयस्य योगदानम् इस्पात-उद्योगपर्यन्तं सीमितं नासीत्। मार्टिन-एण्ड-बर्न-संस्थया उपमहाद्वीपस्य अनेकासां प्रतिष्ठित-परियोजनानां निर्माणे महत्त्वपूर्णा भूमिका पालिता। तासु विक्टोरिया-मेमोरियल, दक्षिणेश्वर-मन्दिरम्, बेलूर-मठः, टीपू-सुल्तान-मस्जिद्, गार्डन-रीच-शिपबिल्डर्स, शहीद-मीनारः तथा हुगली-डॉकयार्ड् इत्यादयः ऐतिहासिक-निर्माणाः अन्तर्भवन्ति।
अधुना यदा बर्नपुरम् औद्योगिक-युगस्य नूतन-दिशां प्रति अग्रसरति, तदा एतत् केवलम् एकस्य इस्पात-संयन्त्रस्य विस्तारः न, अपितु पश्चिमबङ्गस्य औद्योगिक-पुनर्जागरणस्य नूतना आरम्भिका अपि भवितुम् अर्हति।
Hindusthan Samachar / Divya Ranjan