Enter your Email Address to subscribe to our newsletters
पटना, 01 जुलाईमासः (हि.स.)।बिहारराज्यसर्वकारेण मङ्गलवासरे रात्रौ विलम्बेन चतुःशतसप्तविंशत्यधिकचत्वारिंशदधिकद्विशत अधिकारीणां स्थानान्तरणं कृतम्। स्थानान्तरणसूची प्रकाशिता भवत्क्षणे एव बिहारसरकारस्य आधिकारिकजालस्थानं अतिभारकारणेन कार्यविरतं जातम्।
बिहारराज्यसर्वकारेण प्रकाशितायाः अधिसूचनायाः अनुसारं समाजकल्याणविभागे एकपञ्चाशदधिकशतं सीडीपीओ अधिकारिणां तथा ग्रामीणविकासविभागे अष्टषष्टिः बीडीओ अधिकारिणां स्थानान्तरणं कृतम्। एतदतिरिक्तं स्वास्थ्य सहकारिता भवननिर्माण पथनिर्माण पशुपालन मत्स्यसम्पद् सामान्यप्रशासनविभागेषु अपि व्यापकपरिवर्तनं कृतम्। राजस्वभूमिसुधारविभागे द्वयोः चरणयोः शतपञ्चाशदधिकानाम् अञ्चलाधिकारिणां स्थानान्तरणं पूर्वमेव सम्पन्नम्।
कस्मिन् विभागे कियत्संख्याकानाम् अधिकारीणां स्थानान्तरणं कृतम्।
समाजकल्याणविभागे एकपञ्चाशदधिकशतं सीडीपीओ अधिकारिणः।
ग्रामीणविकासविभागे अष्टषष्टिः बीडीओ अधिकारिणः।
सहकारिताविभागे अष्टपञ्चाशत् अधिकारिणः।
भवननिर्माणविभागे त्रिंशत् अभियन्तारः।
स्वास्थ्यविभागे त्रयः चिकित्सकाः।
श्रमसंसाधनविभागे सप्तदशाधिकशतं पदाधिकारीणः।
उल्लेखनीयं यत् नीतीशकुमारेण बिहारस्य मुख्यमन्त्रिणः रूपेण विभागीयस्तरे जूनमासे स्थानान्तरणानां निश्चितव्यवस्था निर्धारिता आसीत्। सा व्यवस्था सम्राटचौधरीसरकारे अपि अस्मिन् वर्षे पूर्णतया प्रवर्तमाना अस्ति। अस्य प्रशासनिकनियमस्य कारणात् प्रतिवर्षं जूनमासः बिहारसरकारस्य प्रशासनिकवृत्तेषु स्थानान्तरणमासः इति मन्यते।
प्रशासनिकव्यवस्थानुसारं जुलाईमासस्य प्रथमसप्ताहे अपि प्रायेण पूर्वदिनाङ्केन स्थानान्तरणसम्बद्धाः अधिसूचनाः प्रकाशिताः भवन्ति। एतेषां व्यापकपरिवर्तनानां विषये बिहारराजनीतौ सर्वदा तीव्रा राजनैतिकचर्चा भवति। नियमानुसारं येषु विभागेषु जूनमासस्य त्रिंशत्तमदिनाङ्कपर्यन्तं स्थानान्तरणकार्यं सम्पन्नं न भवति तेषां विषये अन्तिमनिर्णयः मुख्यमन्त्रिणः स्तरे एव क्रियते।
---------------
Hindusthan Samachar / Dheeraj Maithani