Enter your Email Address to subscribe to our newsletters
इलाहाबादचिकित्साएसोसिएशनद्वारा समाचरितश्चिकित्सक दिवसः, उत्कृष्टाभ्यःसेवाभ्यः चिकित्सकानां सम्मानः
प्रयागराजः, 01 जुलाईमासः (हि.स.)।
समाजस्य स्वास्थ्यरक्षणे चिकित्सकानां भूमिका अत्यन्तं महत्त्वपूर्णा अस्ति। एतद् बुधवासरे चिकित्सकदिवसस्य अवसरे इलाहाबाद मेडिकल एसोसिएशन आईएमए इत्यस्याः आयोजने सम्पन्ने समारोहे मुख्यातिथिरूपेण सम्बोधयन् प्रयागराजजनपदस्य जिलाधिकारी मनीष कुमार वर्मा अवदत्।
तेन चिकित्सकेभ्यः सेवाभावेन रोगिणाम् उपचारार्थं निरन्तरं कार्यं कर्तुं आह्वानं कृतम्। तेन चिकित्साक्षेत्रे चिकित्सकानां सेवाः प्रशंसिताः।
अस्मिन् अवसरे आईएमए अध्यक्षः डा अशोक कुमार मिश्र स्वसम्बोधने अवदत् यत् चिकित्सकाः केवलं रोगाणाम् उपचारं न कुर्वन्ति अपि तु समाजं स्वस्थं सशक्तं च कर्तुमपि महत्त्वपूर्णां भूमिकां निर्वहन्ति। तेन सर्वेभ्यः चिकित्सकेभ्यः चिकित्सकदिवसस्य शुभकामनाः प्रदत्ताः तथा चिकित्सासेवा मानवतायाः सर्वोच्चा सेवा इति उक्तम्।
अस्मिन् कार्यक्रमे चिकित्सासेवायां सामाजिकयोगदाने शिक्षाक्षेत्रे च उल्लेखनीयकार्यं कृतवन्तः चिकित्सकाः समाजसेविनश्च सम्मानिताः। समारोहस्य शुभारम्भः प्रातः अष्टवादने आईएमए भवनपरिसरे ध्वजारोहणेन अभवत्। ततः परं चिकित्सकानां उत्कृष्टकार्याणां कृते सम्मानसमारोहः आयोजितः। कार्यक्रमे चिकित्सासेवायाः माध्यमेन उत्कृष्टयोगदानस्य कृते डा विजय कुमार डा रणवीर मिश्र डा इन्दु कृष्ण दुबे च सम्मानिताः। समाजसेवाक्षेत्रे उल्लेखनीयकार्यस्य कृते वरिष्ठसमाजसेवी एम पी कुमार वर्मा सम्मानितः। एतदतिरिक्तं चिकित्साशिक्षाक्षेत्रे उत्कृष्टसफलतां प्राप्तवन्तः विद्यार्थिनोऽपि सम्मानिताः। तेषु डा श्रेया केशरवानी विशाल द्विवेदी डा आयुष सिंघल च आसन्। कार्यक्रमस्य मुख्यातिथिः प्रयागराजजनपदस्य जिलाधिकारी मनीष कुमार वर्मा आसीत्।
समारोहस्य सञ्चालनं डा आरती श्रीवास्तव अकरोत् तथा आईएमए सचिवः डा आशुतोष कुमार गुप्त सर्वेभ्यः अतिथिभ्यः चिकित्सकेभ्यः उपस्थितेभ्यश्च जनाभ्यः आभारं व्यक्तवान्। कार्यक्रमे बहुसंख्यकाः चिकित्सकाः आईएमए पदाधिकारिणः सदस्याश्च उपस्थिताः आसन्।
---------------
Hindusthan Samachar / Dheeraj Maithani