लखनऊनगरम्, १० जुलाईमासः (हि.स.)। राष्ट्रिय-आयुष-अभियानस्य उत्तरप्रदेश-सर्वकारस्य च अन्तर्गतं सञ्चाल्यमानस्य योग-वेलनेस-केन्द्रस्य राजकीय-होमियोपैथिक-चिकित्सालयस्य च तत्त्वावधाने शुक्रवासरे तिलक-इण्टर-महाविद्यालये जनजागरूकता-कार्यक्रमः आयोजितः। अस्मिन् कार्यक्रमे वरिष्ठ-योगप्रशिक्षकः योगेन्द्रकुमारमिश्रः छात्राभ्यः योगस्य, प्राकृतिकचिकित्सायाः तथा स्वस्थजीवनशैल्याः सम्बन्धिनः महत्त्वपूर्णाः विषयाः अवगतवान्।

कार्यक्रमस्य समये छात्र-छात्राभ्यः जीवनयापनकला, समयस्य सदुपयोगः, स्वास्थ्यसंरक्षणम् तथा पारिवारिक-सामाजिकसम्बन्धानां सुदृढीकरणस्य व्यवहारिकोपायाः विवृण्वन्तः उक्तवान् यत् दीर्घकालं यावत् आसन्दे वा अन्यस्मिन् स्थाने वा उपविशता कटिः, ग्रीवा तथा मेरुदण्डः सदा सरलं रक्षणीयाः। एतेन शरीरं निरोगं भवति तथा वर्धमानेऽपि वयसि जनः अधिकः सक्रियः ऊर्जस्वी च भवति। सः अवदत्— कटिः यावती सरला भविष्यति, जीवनं तावदेव निरोगं सुखमयं च भविष्यति।

तेन उक्तं यत् योग-वेलनेस-केन्द्रेण योग-प्राकृतिकचिकित्सयोः जनजागरूकताया: अभियानस्य अन्तर्गतं बालकेभ्यः आरभ्य वृद्धजनपर्यन्तं सर्वेभ्यः शिक्षणसंस्थासु अन्येषु स्थलेषु च नियमितरूपेण योगस्य, स्वास्थ्यस्य तथा उत्तरदायित्वपूर्ण-जीवनशैल्याः प्रशिक्षणं प्रदीयते। अस्य उद्देश्यं जनान् चिन्तामुक्तं, अनुशासितं, निरोगं च जीवनं यापयितुं प्रेरयितुम् अस्ति। कार्यक्रमे छात्राः प्रायः एकहोरापर्यन्तं एकाग्रचित्तेन योग-स्वास्थ्यसम्बद्धां सूचनाम् अलभन्त तथा सहजतया स्वस्थजीवनाय योगाभ्यासम् अपि अकुर्वन्।

हिन्दुस्थानसमाचारः / सुनीलकुमारः

Hindusthan Samachar / Divya Ranjan