जम्मूः, 10 जुलाईमासः (हि.स.)।

अमरनाथगुहां प्रति ८,५०० अधिकानां तीर्थयात्रिणां नवमः समूहः शुक्रवासरे सुदृढसुरक्षाव्यवस्थायाः मध्ये जम्मूनगरस्य भगवतीनगरस्थितात् यात्रिनिवासाधारशिबिरात् दक्षिणकाश्मीरस्य हिमालयक्षेत्रे स्थितस्य गुहामन्दिरस्य द्वयोः आधारशिबिरयोः कृते प्रस्थितः।

अधिकारिभिः उक्तं यत् अद्य प्रातः ८,७९६ तीर्थयात्रिणः जम्मूस्थितात् आधारशिबिरात् ३५४ वाहनानां समूहena प्रस्थिताः। तेषु लघूनि गुरूणि च मोटरवाहनानि सम्मिलितानि आसन्। अस्मिन् समूहे बालटालं प्रति ३,४५० तीर्थयात्रिणः तथा पहलगामं प्रति ५,३४६ तीर्थयात्रिणः सम्मिलिताः आसन्। ते बहुस्तरीयसुरक्षावलयस्य मध्ये यात्रायै प्रस्थिताः।

यात्रा सुरक्षिता निर्विघ्ना च सम्पन्ना भवेत् इति सुनिश्चितं कर्तुं नागरिकप्रशासनेन, आरक्षिभिः, सुरक्षाबलैः श्रीअमरनाथश्राइनपरिषदा च संयुक्तरूपेण व्यवस्थाः कृताः आसन्।

यात्रारम्भात् प्रभृति विगतेषु सप्तसु दिवसेषु देशस्य विभिन्नभागेभ्यः आगतैः आहत्य १,७१,५०१ तीर्थयात्रिभिः गुहामन्दिरस्य दर्शनं कृतम् अस्ति।

जम्मूकाश्मीरप्रशासनेन तीर्थयात्रिभ्यः आह्वानं कृतम् अस्ति यत् ते सुनिश्चितपञ्जीकरणेन सह यात्रायाः निर्धारिततिथौ एव यात्रां कुर्युः, यतः पञ्जीकरणरहितस्य कस्यापि तीर्थयात्रिणः आधारशिबिरं प्रति गमनाय अनुमतिः न प्रदास्यते।

---------------

Hindusthan Samachar / Dheeraj Maithani