Enter your Email Address to subscribe to our newsletters
प्रयागराजनगरम्, १० जुलाईमासः (हि.स.)। राज्यस्य नूतन-पाठ्यचर्यां अधिक-प्रभावकारिणीं, समावेशिनीं तथा स्थानीय-आवश्यकतानुरूपां विकसितुं आयोजिता एषा पञ्च-दिवसीया कार्यशाला महत्त्वपूर्णं पदक्षेपं मन्यते इति परिषदः उपसचिवा रक्षा श्रीवास्तवा शुक्रवासरे समापनावसरे अवदत्।
उत्तरप्रदेश-माध्यमिक-शिक्षा-परिषदा राज्य-पाठ्यचर्या-रूपरेखाया विकासस्य उद्देश्येन आयोजितायाः पञ्च-दिवसीय-कार्यशालायाः शुक्रवासरे सफलतया समापनम् अभवत्। एषा कार्यशाला ६ जुलाई-दिनाङ्कात् आरब्धा आसीत्।
कार्यशालायाः सञ्चालनं परिषदः सचिवः भगवतीसिंहः, अपरसचिवः सत्येन्द्र-कुमारसिंहः तथा अपरसचिवः स्कन्दशुक्लः इत्येतयोः मार्गदर्शने निर्देशनस्य च अधीनम् अभवत्।
समापन-दिवसे सर्वे विषय-समूहाः एनसीएफएसई-मानकानुरूपं स्व-स्व-अध्यायानां सम्बन्धिनीं रूपरेखां निर्मितवन्तः। अस्यां रूपरेखायां अध्यायानुसारं पाठ्यवस्तु चिन्हिता सुव्यवस्थिता च अभवत्, येन अग्रिमेषु चरणेषु सहभागी-समूहाः उत्तरप्रदेशस्य विशेष-सन्दर्भान् ध्याने निधाय अध्यायानां पुनर्लेखनं करिष्यन्ति।
कार्यशालायाः समापनावसरे परिषदः उपसचिवा रक्षा श्रीवास्तवा सर्वेषां सहभागिनां कार्यस्य प्रशंसां कृत्वा तेषां योगदानस्य अभिनन्दनम् अकरोत् तथा सफल-आयोजनाय सर्वेभ्यः कृतज्ञतां प्रकटितवती।
Hindusthan Samachar / Divya Ranjan