Enter your Email Address to subscribe to our newsletters
नवदिल्ली, 10 जुलाईमासः (हि.स.)।भारतीयरेलवे शीघ्रमेव भारतीयरेलवे खानपान पर्यटन निगम आईआरसीटीसी इत्यस्य नूतनां बीटा जालपुटीं प्रारम्भं कर्तुं गच्छति। नूतनजालपुट्यां यात्रापत्रारक्षणप्रक्रिया पूर्वापेक्षया अधिका सरला द्रुता उपयोक्तृसौहृदा च कृता अस्ति। अनेन सह यात्रिआरक्षणयन्त्रस्य अपि व्यापकं आधुनिकीकरणं क्रियते यस्य पूर्णतायाः अनन्तरं नूतनम् आईआरसीटीसी जालद्वारम् आगामिषु कतिपयमासेषु पूर्णतया कार्यशीलं भविष्यति।
रेलमन्त्रालयेन शुक्रवासरे सूचितं यत् आईआरसीटीसी तथा रेलसूचनाप्रणालीकेन्द्र क्रिस इत्यस्य अधिकारिभिः जयपुरस्थितस्य मालवीयराष्ट्रियप्रौद्योगिकीसंस्थान एमएनआईटी इत्यस्य विद्यार्थिभिः सह नूतनबीटाजालपुट्याः परीक्षणं कृतं तथा तत्सम्बद्धाः परामर्शाः प्राप्ताः। कतिपयसप्ताहपूर्वम् एतैरेव विद्यार्थिभिः आईआरसीटीसी जालपुट्याः न्यूनताः प्रति ध्यानम् आकृष्टम् आसीत् यस्य अनन्तरं जालपुटीं नूतनस्वरूपेण विकसितुं निर्णयः कृतः।
रेलवे इत्यस्य अनुसारं नूतनबीटाजालपुट्यां चत्वारः प्रमुखाः सुधाराः कृताः सन्ति। अस्यां अनावश्यकानि कैप्चा पाप अप तथा ध्यानविक्षेपकाणि चित्रात्मकप्रदर्शनानि निष्कासितानि सन्ति। सर्वासु श्रेणीषु आसनोपलब्धता एकस्मिन् समये दृश्यते। यात्रापत्रारक्षणाय आवश्यकानां चरणानां संख्या न्यूनीकृता अस्ति येन भुगतानस्य आरक्षणस्य च प्रक्रिया पूर्वापेक्षया अधिका द्रुता भविष्यति। एतदतिरिक्तं यात्रिणां विवरणानि सुरक्षितानि स्थापयितुं सुविधा अपि योजिता अस्ति येन पुनः पुनः यात्रापत्रारक्षणं कुर्वद्भिः यात्रिभिः प्रतिवारं सूचना प्रविष्टा न कर्तव्या भविष्यति।
रेलमन्त्रालयेन सूचितं यत् अनेन सह प्रायः चतुर्दशकपुरातनस्य यात्रिआरक्षणयन्त्रस्य अपि आधुनिकीकरणं क्रियते यत् विभिन्नानि रेलयात्रापत्रारक्षणानुप्रयोगान् जालद्वाराणि च सञ्चालयति। एतत् कार्यं चुनौतीपूर्णम् आसीत् यतः उन्नयनकाले अपि प्रणालीं निरन्तरं कार्यशीलां स्थापयितुम् आवश्यकम् आसीत्। नूतनम् आरक्षणयन्त्रम् अपि शीघ्रं प्रारभ्यते।
मन्त्रालयेन सूचितं यत् रेलवे इत्यस्य रेलवन अनुप्रयोगः अधुना चतुःकोटि अवतरणसङ्ख्यां पारं गतवान् तथा देशस्य बृहत्तमः रेलयात्रापत्रारक्षणानुप्रयोगः अभवत्। अस्मिन् अनुप्रयोगे यात्रापत्रारक्षणसहिताः रेलवे सम्बद्धाः विविधसेवाः एकस्मिन् एव मञ्चे उपलब्धाः सन्ति।
रेलवे इत्यनेन एतदपि उक्तं यत् तत्काल यात्रापत्रारक्षणे बाट इत्येतेषां दुरुपयोगं निवारयितुं बहूनि पदक्षेपाणि कृतानि सन्ति। एतैः प्रयासैः किञ्चित् सुधारः जातः अस्ति किन्तु अस्याः समस्यायाः समाधानाय निरन्तरं प्रभाविणश्च उपायाः क्रियन्ते भविष्यन्ति च।
रेलमन्त्रालयेन जालपुटस्य सुधारे महत्त्वपूर्णान् परामर्शान् प्रदत्तवद्भ्यः एमएनआईटी जयपुर इत्यस्य विद्यार्थिभ्यः कृतज्ञता प्रकटिता तथा उक्तं यत् तेषां प्रतिक्रियायाः आधारेण उपयोक्तृणाम् अनुभवं श्रेष्ठं कर्तुं प्रयासः कृतः अस्ति।
---------------
Hindusthan Samachar / Dheeraj Maithani