Enter your Email Address to subscribe to our newsletters
बलरामपुरम्, १० जुलाईमासः (हि.स.)। मुख्यमन्त्री-आदिमजाति-अनुसूचितजनजाति-विद्यार्थी-उत्कर्ष-योजनायाः अन्तर्गतं चयनितानां विद्यार्थिनां परामर्श-सत्रं जुलाईमासस्य १४ दिनाङ्के बलरामपुरे आयोजितं भविष्यति। अस्मिन् अवसरे मूलतथ्यानां परीक्षणं सत्यापनं च भविष्यति। ततः परं उत्कृष्ट-निजी-विद्यालयेषु प्रवेशस्य अग्रिमप्रक्रिया सम्पन्ना भविष्यति।
मुख्यमन्त्री-आदिमजाति-अनुसूचितजनजाति-विद्यार्थी-उत्कर्ष-योजनायाः अन्तर्गतं शैक्षणिकसत्राय २०२६–२७ चयनितानां विद्यार्थिनां परामर्श-सत्रं जुलाईमासस्य १४ दिनाङ्के सहायक-आयुक्तस्य आदिवासी-विकास-विभाग-कार्यालये बलरामपुरे आयोजितं भविष्यति।
आदिवासी-विकास-विभागस्य अनुसारेण परामर्श-सत्रे अनुसूचित-जनजाति: तथा अनुसूचित-जाति: इत्येतयो: वर्गयोः चयनितानां विद्यार्थिनां मूलतथ्यानां परीक्षणं सत्यापनं च विधास्यते। तथ्यानां सत्यापनं सम्पन्ने सति विद्यार्थिनाम् उत्कृष्ट-निजी-विद्यालयेषु प्रवेशप्रक्रिया अग्रे प्रवर्तिष्यते।
विभागेन सर्वेभ्यः चयनित-विद्यार्थिभ्यः तेषां पालकेभ्यश्च निर्धारित-तिथौ समये च आवश्यकैः मूलतथ्यै: सह उपस्थातुं प्रार्थितम्। अधिकारिणः अवदन् यत् समये तथ्यानां सत्यापनं सम्पन्ने सति प्रवेशप्रक्रियां विना कस्यापि विघ्नस्य सम्पन्ना भविष्यति तथा च विद्यार्थिनः योजनायाः लाभं समये एव प्राप्स्यन्ति।
Hindusthan Samachar / Divya Ranjan