हिसारः, 11 जुलाईमासः (हि.स.)।

हरियाणा वनविकासनिगमस्य नवनियुक्तः अध्यक्षः रवि सैनी उक्तवान् यत् व्यापारः केवलम् आर्थिकक्रियाकलापः नास्ति अपितु समाजस्य राष्ट्रस्य च प्रगतेः दृढाधारः अस्ति। वणिजः स्वपरिश्रमेण प्रामाणिकतया उद्यमशीलतया च प्रदेशस्य अर्थव्यवस्थायै गतिं ददाति।

अध्यक्षः रवि सैनी शनिवासरे राजगुरु मार्केटस्य वणिजां द्वारा आयोजिते सम्मानसमारोहे सम्बोधनं कुर्वन् एतद् अवदत्। तेन उक्तं यत् हरियाणासर्वकारः मुख्यमन्त्रिणः नायब सिंह सैनी इत्यस्य नेतृत्वे सर्वेषां सहयोगः सर्वेषां विकासः सर्वेषां विश्वासः सर्वेषां प्रयासः इति मन्त्रस्य आधारेण कार्यं करोति। सर्वकारस्य उद्देश्यं तादृशस्य वातावरणस्य निर्माणम् अस्ति यस्मिन् व्यापारः उद्योगश्च अनावश्यकविघ्नैः विना अग्रे गच्छेताम् तथा च प्रत्येकः वणिक् स्वयम् सुरक्षितः सम्मानितः सशक्तश्च इति अनुभवेत्।

तेन उक्तं यत् हरियाणासर्वकारेण वणिजां हितानां सर्वोच्चप्राथमिकता प्रदत्ता अस्ति। प्रदेशे व्यापारं सरलं पारदर्शिनं प्रौद्योगिकीआधारितं च कर्तुं बहवः सुधाराः कृताः सन्ति। विभिन्नविभागानां सेवाः अन्तर्जालमाध्यमेन उपलब्धाः कृताः सन्ति येन वणिजां समयस्य संसाधनानां च संरक्षणं भवति। अनुज्ञापत्राणि पञ्जीकरणं अन्याश्च आवश्यकप्रक्रियाः पूर्वापेक्षया अधिकसरलाः कृताः सन्ति। वणिजां सुरक्षा अपि सर्वकारस्य सर्वोच्चप्राथमिकतासु अन्तर्भवति।

अस्मिन् अवसरे प्रधानः शिव कुमार सैनी अक्षय मलिक पूर्ववरिष्ठोपमहापौरः अनिल सैनी रवि मेहता राजेन्द्र ढालिया अजय सैनी आनन्द सैनी देवेन्द्र सैनी दीपक अग्रवाल सुनील वर्मा गौतम नारंग सुरेन्द्र बजाज महेश चौधरी सुरेन्द्र सोनी मनी राम गोयल भूषण अग्रवाल सुभाष मित्तल कृष्ण खटाना मोनू बजाज इत्यादयः अन्ये च गणमान्यनागरिकाः उपस्थिताः आसन्।

Hindusthan Samachar / Dheeraj Maithani