प्रयागराजः, 11 जुलाईमासः (हि.स.)। प्रधानमन्त्री सूर्यगृहयोजनायाः अन्तर्गतं प्रयागराजे स्वच्छऊर्जायाः संवर्धनदिशि निरन्तरम् उल्लेखनीया प्रगतिः दृश्यते। जनपदे अद्यावधि द्वाविंशतिसहस्राणि द्विशतसप्ताशीत्यधिकद्विशतानि सौरफलकाश्रयाणि स्थापितानि सन्ति, तथा विंशतिसहस्राणि अष्टादश लाभार्थिनः शासनतः अनुदानराशिम् अपि प्राप्तवन्तः। योजनायाः प्रति जनानां वर्धमाना रुचिः अस्मादेव ज्ञायते यत् अद्यावधि सप्तत्रिंशत्सहस्राणि सप्तदश जनाः अस्यै योजनायै आवेदनं कृतवन्तः।

शनिवासरे नेडासंस्थायाः परियोजनाधिकारी कोमिलद्विवेदी अवदत् यत् यथा यथा आवेदनानि प्राप्यन्ते तथा तथा योजनायाः विस्तारः अपि क्रियते, येन अधिकाधिकाः परिवाराः अस्याः योजनायाः लाभं प्राप्नुयुः।

लाभार्थिनः कथनम्

योजनायाः लाभार्थी प्रयागराजस्य धूमनगञ्जक्षेत्रस्य महेन्द्रनगरनिवासी अशोकश्रीवास्तवः अवदत् यत् सः द्विवर्षपूर्वं चतुर्किलोवाटक्षमतायुक्तं सौरफलकम् अस्थापयत्। तस्मै प्रधानमन्त्री सूर्यगृहयोजनायाः अन्तर्गतं अनुदानराशिः अपि प्राप्ता। तेन उक्तं यत् सौरफलकस्थापनानन्तरं तस्य विद्युत्शुल्के पर्याप्ता न्यूनता अभवत्। तेन आर्थिकराहतिः अपि प्राप्ता। तस्य मतम् अस्ति यत् एषा योजना सामान्यजनानां कृते अत्यन्तं लाभप्रदा सिद्धा भवति। अनया परिवाराणाम् आर्थिकस्थितिः दृढा भवति तथा स्वच्छऊर्जायाः अपि संवर्धनं भवति।

सोलर ९ संस्थायाः निदेशकः अमितआशीषमिश्रः अवदत् यत् वयं विक्रेतारूपेण अस्यां योजनायां सम्बद्धाः स्मः। अस्यां योजनायां आवेदनं कृतमात्रेण एव मम कार्यम् आरभ्यते। वयं लाभार्थिना सह मिलित्वा तस्य कार्याणि सफलतया अत्यन्तं सरलरीत्या सौरफलकस्थापने सहयोगं कुर्मः। शासनस्य एषा योजना सामान्यजनान् विद्युत्विषये आत्मनिर्भरान् करोति।

---------------

Hindusthan Samachar / Dheeraj Maithani