अयोध्या, 11 जुलाईमासः (हि.स.)। राममन्दिरनिर्माणसमितेः अध्यक्षः नृपेन्द्रमिश्रः शनिवासरे दानचौर्यप्रकरणस्य विषये उक्तवान् यत् एषा घटना स्वयमेव कलङ्कः अस्ति। वयं सर्वे स्वान् लघून् अनुभूमः। सः उक्तवान् यत् व्यवस्थासु सुधारः भविष्यति इति आशा अस्ति। भविष्ये एतादृशी पुनरावृत्तिः न भविष्यति।

शनिवासरे सर्किटहाउसे पत्रकारैः सह संवादं कुर्वन् नृपेन्द्रमिश्रः उक्तवान् यत् प्राचीनमन्दिरस्मारकस्य निर्माणकार्यं प्रायः सम्पन्नम् अस्ति। अधुना तत्र चतुर्विंशतिघण्टानां कृते अखण्डज्योतेः प्रज्वलनस्य सिद्धता क्रियते। हुतात्मास्मारकस्य निर्माणकार्यं जुलैमासस्य अन्त्यभागपर्यन्तं सम्पन्नं भविष्यति इति अपेक्षा अस्ति। जुलैमासस्य त्रिंशत्तमदिनाङ्कपर्यन्तं राममन्दिरस्य सर्वाणि प्रमुखनिर्माणकार्याणि सम्पन्नानि भविष्यन्ति इति लक्ष्यं निर्धारितम् अस्ति। समये एव कार्यं सम्पन्नं भविष्यति इति अपेक्षा अस्ति। केवलं चतुर्किलोमीटरपरिमिता प्राकारभित्तेः निर्माणकार्यं शेषम् अस्ति, तत् सेप्टेम्बरमासस्य त्रिंशत्तमदिनाङ्कपर्यन्तं सम्पन्नं कर्तुं लक्ष्यं निर्धारितम् अस्ति।

तेन सूचितं यत् राममन्दिरस्य सभागारनिर्माणकार्यं दिसम्बरमासस्य द्विसहस्रषड्विंशतितमे वर्षे सम्पन्नं भविष्यति। रामकथासङ्ग्रहालयस्य विंशतिगवाक्षाणां कथाविन्यासः सिद्धः अस्ति। दृश्यप्रस्तुतेः विषये उपवेशने अन्तिमनिर्णयः भविष्यति। एतदतिरिक्तं तेन उक्तं यत् मुख्यकार्यपालकाधिकारिणः नियुक्त्यर्थं गठिता त्रिसदस्यसमितिः अन्तिमनिर्णयं करिष्यति।-------------------

Hindusthan Samachar / Dheeraj Maithani