पौडी-गढवालनगरम्, ११ जुलाईमासः (हि.स.)। राजकीय-अन्तर्महाविद्यालये क्यार्क-नाम्नि मण्डलपरीक्षायाम् उत्कृष्टफलप्राप्ताः छात्राः छात्र्यश्च सम्मानिताः। अस्मिन् अवसरे तान् छात्रान् छात्राश्च भविष्येऽपि श्रेष्ठप्रदर्शनाय प्रेरितवन्तः।

कार्यक्रमे ग्रामप्रधानः शङ्कर-नौटियालः उच्चविद्यालयस्य तथा अन्तर्माध्यमिक-परीक्षायां प्रथम-द्वितीय-श्रेणीप्राप्तान् छात्रान् छात्राश्च पुरस्कारैः सम्मानितवान्। समारोहे उच्चविद्यालये प्रथमस्थानप्राप्ताः षट्, द्वितीयस्थानप्राप्तौ द्वौ, तृतीय-स्थानप्राप्ताः त्रयः, एवं आहत्य एकादश छात्राः छात्राश्च सम्मानिताः।

तथैव अन्तर्माध्यमिक-परीक्षायां प्रथम-स्थानप्राप्ताः एकोनविंशतिः, द्वितीयस्थान-प्राप्ताः त्रयः, एवं आहत्य द्वाविंशतिः छात्राः छात्राश्च पुरस्कारान् प्राप्तवन्तः। अस्मिन् अवसरे ग्रामप्रधानः शङ्कर-नौटियालः उक्तवान् यत् विद्यार्थिनां सफलता समग्रस्य क्षेत्रस्य गौरवस्य विषयः अस्ति। सः अवदत् यत् शिक्षा एव जीवने सफलतायाः दृढतमः आधारः अस्ति, तथा च एतादृश-सम्मानानि विद्यार्थिनः भविष्येऽपि उत्कृष्टप्रदर्शनाय प्रेरयन्ति। तेन अभिभावकानां शिक्षकेषां च योगदानस्य अपि प्रशंसा कृता।

विद्यालयस्य प्रधानाचार्यः अजय-पंवारः अवदत् यत् विद्यार्थिनां परिश्रमः, अनुशासनम्, शिक्षकेषां मार्गदर्शनं च एव एतस्य परिणामः अस्ति यत् विद्यालयस्य छात्राः निरन्तरम् उत्कृष्टं प्रदर्शनं कुर्वन्ति। सः सर्वान् सम्मानितविद्यार्थिनः शुभकामनाः प्रदाय भविष्येऽपि तथैव उत्कृष्टसफलताः सम्पादयितुम् आह्वानम् अकरोत्।

Hindusthan Samachar / Divya Ranjan