Enter your Email Address to subscribe to our newsletters
कटिहारनगरम्, ११ जुलाईमासः (हि.स.)। जिला-विधिक-सेवा-प्राधिकरणस्य कटिहारस्य तत्त्वावधाने शनिवासरे अनाथालय-मार्गस्थिते गुञ्जन-वृद्धाश्रमे विधिक-जागरूकता-कार्यक्रमस्य आयोजनम् अभवत्।
अस्मिन् शिविरे वृद्धाश्रमे निवसमानेभ्यः वृद्धेभ्यः तेषां वैधानिक-अधिकाराणां, भरण-पोषण-अधिनियमस्य तथा तेषां कल्याणार्थं सञ्चाल्यमानानां विविध-शासकीय-योजनानां विषये विस्तृतरूपेण सूचना प्रदत्ता। अस्मिन् अवसरे वृद्धाश्रमस्य कर्मिणां उपस्थितौ वृद्धेभ्यः पिष्टक-पुटिकानां वितरणमपि कृतम्।
कार्यक्रमे जनपद-विधिक-सेवा-प्राधिकरणस्य प्रतिनियुक्ता विदुषी पैनल-अधिवक्ता प्रियङ्का कुमारी वृद्धेभ्यः तेषां संरक्षण-विकास-भरण-पोषण-पुनर्वास-सम्बद्धानाम् महत्त्वपूर्णानाम् अधिनियमानां विषये विस्तरेण अवगतवती। सा वृद्धान् तेषां हितसंरक्षणस्य विषये जागरूकान् कृत्वा स्थायी-लोक-अदालतस्य कार्यप्रणालीं तथा तस्मात् प्राप्यमाणान् लाभानपि विवृतवती।
कार्यक्रमे महत्त्वपूर्णां भूमिकां निर्वहन् पारा-विधिक-स्वयंसेवकः पवनकुमारः वृद्धानां अधिकाराणां हितानां च संरक्षणस्य आवश्यकतायाम् बलम् अयच्छत्। सः बिहार-पीडित-प्रतिकर-योजनायाः, जिला-विधिक-सेवा-प्राधिकरणात् कटिहारात् प्राप्यमाणायाः निःशुल्क-विधिक-परामर्श-सेवायाः तथा निःशुल्क-अधिवक्ता-प्रदान-सुविधायाश्च विषये सूचनाम् अयच्छत्। सहैव अग्रिमे १२ सेप्टेम्बरमासे २०२६ तमे दिने आयोज्यमानायाः 'राष्ट्रीय-लोक-अदालत' इत्यस्य विषये सूचनां प्रदाय तस्मात् सामान्यजनानां लाभान् अपि अवबोधितवान्।
अयं जागरूकता-कार्यक्रमः बिहार-राज्य-विधिक-सेवा-प्राधिकरणस्य, पटनातः प्रदत्तनिर्देशानुसारं तथा जिला-विधिक-सेवा-प्राधिकरणस्य कटिहारस्य सचिव-सह-अवर-न्यायाधीशस्य कमलेश-कुमारसिंह: देऊ इत्यस्य आदेशानुसारम् आयोजितः।
Hindusthan Samachar / Divya Ranjan