Enter your Email Address to subscribe to our newsletters
१३ जुलाईमासे भारतीय-क्रिकेट-इतिहासे ऐतिहासिक-दिनत्वेन अभिलिखितः अस्ति। अस्मिन्नेव दिने १९७४ तमे वर्षे भारतीय-क्रिकेट-दलेन स्वस्य एकदिवसीय-अन्ताराष्ट्रिय-क्रीडायात्रायाः प्रारम्भः कृतः। इङ्ग्लैण्डदेशस्य विरुद्धं लीड्स-नगरस्य हेडिङ्ग्ले-क्रीडाङ्गणे सम्पन्नायां अस्यां स्पर्धायां भारतेन प्रथमवारं ६०-ओवर-प्रारूपे अन्ताराष्ट्रिय-क्रिकेट-क्रीडा क्रीडिता।
तस्मिन् समये भारतीय-दलस्य नेतृत्वम् अजीत-वाडेकर-महोदयस्य हस्तयोः आसीत्। इङ्ग्लैण्ड-दलेन प्रथमं क्रीडित्वा निर्धारितेषु ५५ ओवरेषु २६५ धावनाङ्काः अर्जिताः। प्रत्युत्तरे भारतीय-दलं निर्धारितेषु ओवरेषु २६१ धावनाङ्कान् एव प्राप्तुं शक्नोत्, स्पर्धायां चतुर्भिः विकेट-इत्येतै: पराजितम्।
यद्यपि परिणामः भारतस्य पक्षे नासीत्, तथापि एषैव स्पर्धा भारतीय-क्रिकेटक्रीडाया: तस्याः यात्रायाः प्रारम्भः अभवत्, या अनन्तरं विश्व-क्रिकेटक्रीडायां नूतनम् इतिहासम् अलिखत्। अनन्तरं भारतेन १९८३ तथा २०११ तमे वर्षे एकदिवसीय-विश्वकप-इति विजितः, सीमित-ओवर-क्रिकेटक्रीडायां च विश्वस्य महाशक्तिरूपेण स्वस्थानं स्थापितम्।
भारतस्य प्रथमा एकदिवसीय-अन्ताराष्ट्रिय-स्पर्धा अद्यापि भारतीय-क्रिकेट-इतिहासस्य महत्त्वपूर्णः मील-प्रस्तरः मन्यते, यस्य प्रेरणया भावि-वंशानां कृते नूतनाः सम्भावनाः उद्घाटिताः।
महत्त्वपूर्णाः घटनाः
१६४५ – अलेक्सेई-रोमानोवः स्वपितुः माइकलस्य स्थाने रूसदेशस्य शासकः अभवत्।
१८०३ – राजाराममोहनरायः अलेक्जेण्डर-डफ-महोदयेन सह पञ्च छात्रैः सह स्कॉटिश-चर्च-महाविद्यालयस्य स्थापनाम् अकरोत्।
१८८२ – रूसदेशे रेलयानस्य पटरीभ्रंशात् २०० जनाः मृताः।
१९०५ – कलकत्ता-नगरस्य साप्ताहिक-समाचारपत्रे ‘संजीवनी’ इत्यत्र ब्रिटिश-वस्तूनां बहिष्कारस्य प्रथमः प्रस्तावः प्रकाशितः।
१९२३ – अमेरिकादेशस्य लॉस-एञ्जिलिस-नगरे प्रचारार्थं ‘हॉलीवुड्’ इति नाम पर्वते लिखितम्।
१९२९ – क्रान्तिकारिणा जतिन्द्रनाथेन ऐतिहासिकी अनशन-चेष्टा प्रारब्धा।
१९३० – विश्वस्य बृहत्तमा फुटबॉल-प्रतियोगिता ‘फीफा-विश्वकप’ इति प्रारब्धः।
१९३७ – ‘क्रिस्पी-क्रीम’ इति डोनट-निर्माण-निर्माण्या: स्थापना अभवत्।
१९६३ – भारतसर्वकारेण दक्षिण-अफ्रीका-विमानानां अवतरण-सुविधाः निरस्ताः।
१९७४ – भारतेन अजीत-वाडेकरस्य नेतृत्वे प्रथमः एकदिवसीय-अन्ताराष्ट्रिय-क्रिकेट-स्पर्धा क्रीडिता, यस्मिन् भारतदेश: चतुर्भिः विकेट-इत्येतै: पराजितः।
१९७७ – भारतसर्वकारेण भारतरत्न-सहितानां नागरिक-सम्मानानां प्रत्याहारस्य घोषणा कृता।
१९९८ – लिएण्डर-पेस-महोदयेन प्रथमः ए.टी.पी. उपाधिः प्राप्तः; ब्राजीलदेशेन सी.टी.बी.टी. तथा एन.पी.टी. इत्येतयोः हस्ताक्षरं कृतम्।
२००० – फिजीदेशे महेन्द्र-चौधरी-महोदयेन सह १८ बन्धकाः मुक्ताः।
२००१ – २००८ तमवर्षीय-ओलम्पिक-क्रीडाणाम् आयोजनाधिकारः चीनदेशस्य बीजिङ्ग-नगराय प्रदत्तः।
२००४ – रूसदेशस्य राष्ट्रपतिः पुतिन-महोदयः भारतेन सह दृढतर-सम्बन्धानां कामनाम् अकरोत्।
२००६ – ईरानस्य परमाणु-कार्यक्रम-विषयः संयुक्त-राष्ट्र-सुरक्षा-परिषदं प्रति प्रेषितः।
२००८ – अमेरिकादेशे ग्रीन-पक्षेण राष्ट्रपतिनिर्वाचनार्थं सिन्थिया-मैक्किनी अभ्यर्थिनी घोषिताभवत्।
२०११ – मुम्बई-नगरे त्रिषु स्थानेषु विस्फोटाः अभवन्, येषु २० अधिकाः जनाः मृताः, १३० जनाश्च आहताः।
जन्म
१८९२ – केसरबाई-केरकरः, पद्मभूषण-सम्मानिता भारतीय-शास्त्रीय-सङ्गीत-गायिका।
१९२२ – एङ्कर-योर्गेन्सेनः, डेन्मार्कदेशस्य षोडशः प्रधानमन्त्री।
१९२७ – सिमोन-वेल:, यूरोपीय-संसदः अध्यक्षा।
१९३२ – बीना-राय, हिन्दी-चलच्चित्रेषु प्रसिद्धा अभिनेत्री।
१९३३ – भीष्म-नारायण-सिंहः, भारतीय-राजनीतिज्ञः, असम-मेघालययोः राज्यपालः।
१९३९ – प्रकाश-मेहरा, हिन्दी-चलच्चित्र-जगतः प्रसिद्धः निर्माता निर्देशकश्च।
१९४१ – सुनीता-जैन:, हिन्दी-आङ्ग्ल-भाषयोः प्रसिद्धा कथाकारिणी उपन्यासकारिणी च।
१९४१ – टी. कल्पना-देवी, अष्टम-लोकसभायाः सदस्या।
१९४४ – जोरामथङ्गः, मिजो-नेशनल-फ्रण्ट-दलस्य राजनीतिज्ञः।
१९४४ – एर्नो-रूबिकः, प्राध्यापकः, आविष्कारकः, वास्तुशिल्पी च।
१९४७ – अस्ताद-देबू, विश्वविख्यातः भारतीय-समकालीन-नर्तकः नृत्य-निर्देशकश्च।
निधनम्
१९९५ – आशापूर्णा-देवी, प्रसिद्धा बाङ्ग्ला-लेखिका उपन्यासकारिणी च।
२०१० – मनोहारी-सिंहः, आर.डी. बर्मन्-वाद्यवृन्दस्य प्रसिद्धः सैक्सोफोन-वादकः।
२०२१ – यशपाल-शर्मा, १९८३ तमे वर्षे विश्वकप-विजेता भारतीय-क्रिकेट-दलस्य सदस्यः प्रसिद्धः क्रिकेट-क्रीडकः।
Hindusthan Samachar / Divya Ranjan