नव दिल्ली, 12 जुलाईमासः (हि.स.)।भारतेन ५६ तमे अन्ताराष्ट्रीयभौतिकीओलम्पियाडप्रतियोगितायां उत्कृष्टं प्रदर्शनं कृत्वा पञ्चसु अपि स्वर्णपदकेषु विजयः प्राप्तः। कोलम्बियादेशस्य बुकारामाङ्गानगरे आयोजितायां अस्यां प्रतियोगितायां भारतीयदलम् चीनदेशेन कजाकिस्तानदेशेन रूसदेशेन दक्षिणकोरियादेशेन ताइवानदेशेन च सह संयुक्तरूपेण विश्वे प्रथमस्थानम् अलभत। अस्यां प्रतियोगितायाम् ८७ देशेभ्यः ३८१ छात्राः सहभागिनः अभवन्।

स्वर्णपदकविजेतृषु पुणेनगरस्य कनिष्कजैनः इन्दौरनगरस्य ऋद्धेशअनन्तबेन्दाले नवीदिल्लीनगरस्य ऋषितगर्गः मुम्बईनगरस्य श्रेष्ठसुरैयाः अहमदाबादनगरस्य स्वरितजोशी च समाविष्टाः सन्ति।

परमाणुशक्तिविभागस्य अधीनस्थेन टाटामूलभूतसंशोधनसंस्थायाः राष्ट्रियकेन्द्रेण होमीभाभाविज्ञानशिक्षाकेन्द्रेण भारतीयदलस्य चयनं प्रशिक्षणं च कृतम्। एतत् केन्द्रं देशस्य राष्ट्रियओलम्पियाडकार्यक्रमस्य नोडलकेन्द्रम् अस्ति। एतत् विज्ञानगणितविषययोः प्रतिभासम्पन्नान् विद्यार्थिनः परिचिनोति तथा बहुस्तरीयचयनप्रक्रियया अभिमुखीकरणशिविरैः विशेषप्रशिक्षणेन च तान् अन्ताराष्ट्रियप्रतियोगिताभ्यः सज्जान् करोति।

परमाणुशक्तिविभागस्य सचिवः परमाणुशक्तिआयोगस्य अध्यक्षः च डा अजीतकुमारमोहन्ती छात्रान् तेषाम् अभिभावकान् शिक्षकारान् मार्गदर्शकान् च अभिनन्दन् उक्तवान् यत् अन्ताराष्ट्रियभौतिकीओलम्पियाडप्रतियोगितायां पञ्चस्वर्णपदकप्राप्तिः संयुक्तरूपेण विश्वे प्रथमस्थानप्राप्तिश्च समग्रदेशस्य गौरवस्य विषयः अस्ति। एषा उपलब्धिः भारतीयविद्यार्थिनां प्रतिभायाः समर्पणस्य वैज्ञानिकदृष्टेः च तथा होमीभाभाविज्ञानशिक्षाकेन्द्रस्य टाटामूलभूतसंशोधनसंस्थायाश्च ओलम्पियाडकार्यक्रमस्य उत्कृष्टसज्जतायाः प्रमाणम् अस्ति।

विभागेन भारतीयदलस्य दलनेता प्रो अन्वेषमजूमदारः होमीभाभाविज्ञानशिक्षाकेन्द्रटाटामूलभूतसंशोधनसंस्था डा लीनाजोशी सेन्टजेवियर्समहाविद्यालयम् मुम्बई वैज्ञानिकपर्यवेक्षकः प्रो आनन्ददासगुप्तः भारतीयविज्ञानशिक्षाअनुसन्धानसंस्थानम् कोलकाता निशाकेलकरः गोगटेजोगलेकरमहाविद्यालयम् रत्नागिरिः तथा होमीभाभाविज्ञानशिक्षाकेन्द्रस्य भौतिकीओलम्पियाडदलस्य मार्गदर्शकानां च एतस्याः सफलतायाः कृते अभिनन्दनम् अकरोत्।

होमीभाभाविज्ञानशिक्षाकेन्द्रस्य निदेशकः प्रो अर्नबभट्टाचार्यः उक्तवान् यत् विज्ञानगणितओलम्पियाडेषु भारतीयदलस्य निरन्तरसफलता अनेकदशकानां सुनियोजितसज्जतायाः मार्गदर्शनस्य परमाणुशक्तिविभागस्य निरन्तरसहयोगस्य च परिणामः अस्ति।

---------------

Hindusthan Samachar / Dheeraj Maithani