सिलीगुडीनगरम्, १२ जुलाईमासः (हि.स.)। पश्चिमबङ्गस्य श्रम-परिवहनमन्त्री अर्जुनसिंहः मन्त्रीपदं प्राप्तवानन्तरं प्रथमवारं रविवासरे उत्तरबङ्गप्रदेशम् आगतः। सः उत्तरकन्या-कार्यालये बन्द-चाय-उद्यानानां तथा श्रमिकसम्बद्धानां अन्येषां महत्त्वपूर्णविषयाणां विषये उच्चस्तरीयां सभां करिष्यति। अस्यां सभायां सहभागितायै सः बागडोगरा-विमानस्थानकम् आगतः, यत्र तेन सह श्रम-राज्यमन्त्री अपि उपस्थितः आसीत्।

प्राप्तसूचनानुसारम् अस्यां सभायां दार्जिलिङ्ग-कालिम्पोङ्ग-जलपाईगुडी-अलीपुरद्वार-कूचबिहार-जनपदानां सांसदाः विधायकाश्च अपि सहभागिनः भविष्यन्ति।

अर्जुनसिंहः अवदत् यत् पूर्वसर्वकाराणाम् औद्योगिकनीतिभिः राज्यस्य उद्योगक्षेत्रं गम्भीरसङ्कटम् आपन्नम्। पश्चिमबङ्गः विकासस्य स्पर्धायां बहूनि दशकानि पृष्ठतः गतः। तेन उक्तं यत् नूतनायाः औद्योगिकनीतेः उद्देश्यं राज्यस्य युवानः रोजगारार्थं राज्यात् बहिर्गमनात् निवारयितुं स्थानीयस्तरे रोजगारावसरान् वर्धयितुं च अस्ति।

मन्त्री बन्द-चाय-उद्यानानां स्थितेः तथा अन्यासां श्रमिकसमस्यानां समाधानाय दृढपदानि गृहीतुं प्रतिज्ञां कृतवान्।

एतदतिरिक्तं सः अवदत् यत् राज्ये समान-नागरिक-संहिता प्रवर्तिता भविष्यति। अपि च तेन उक्तं यत् पश्चिमबङ्गे सिण्डिकेट-राज्यम् समापितं भविष्यति।

Hindusthan Samachar / Divya Ranjan