Enter your Email Address to subscribe to our newsletters
एकस्याः मातुः नाम्ना वृक्षारोपणम् अभियानस्य अन्तर्गतं गोरखपुर लिंक एक्सप्रेसवे स्थिते भगवानपुर टोल प्लाजा समीपे पवित्रत्रिवेणी नीम पीपल वटवृक्षाणां रोपणं कृत्वा स्वचित्रग्रहणम्
आरकेबीके समीपे ताल रिंग रोड मार्गस्य पार्श्वे अपि मुख्यमन्त्रिणा मौलश्री वृक्षस्य रोपणम्
गोरखपुरम्, १२ जुलै (हिस)। मुख्यमन्त्री योगी आदित्यनाथः रविवासरे प्रातःकाले गोरखपुरतः एकस्मिन् एव दिवसे पञ्चत्रिंशत्कोटि वृक्षारोपणस्य अभिलेखलक्ष्ययुक्तस्य राज्यव्यापिनः वृक्षारोपणमहायज्ञस्य शुभारम्भम् अकरोत्। एकस्याः मातुः नाम्ना वृक्षारोपणम् अभियानस्य अन्तर्गतं तेन गोरखपुर लिंक एक्सप्रेसवे स्थिते भगवानपुर टोल प्लाजा समीपे पवित्रत्रिवेणीरूपेण नीम पीपल वटवृक्षाणां रोपणं कृतम् तथा स्वचित्रमपि गृहीतम्। ततः अनन्तरं वृक्षारोपणमहायज्ञस्य उपलक्ष्ये गीडा सेक्टर २८ मध्ये आयोजितायां जनसभायां सम्बोधनं कुर्वन् मुख्यमन्त्री अवदत् यत् गतनववर्षेषु प्रदेशस्य भौतिकविकासस्य गतिः तीव्रा अभवत् तथा वनाच्छादनस्य विस्तारः अपि अभवत्। वृक्षारोपणमहायज्ञस्य शुभारम्भानन्तरं गोरखनाथमन्दिरं प्रत्यागच्छन् मुख्यमन्त्री योगी आरकेबीके समीपे ताल रिंग रोड मार्गस्य पार्श्वे अपि वृक्षारोपणम् अकरोत्। अत्र तेन मौलश्री वृक्षस्य रोपणं कृतम्।
गीडा सेक्टर २८ मध्ये सम्पन्ने वृक्षारोपणमहायज्ञकार्यक्रमे मुख्यमन्त्री योगी आदित्यनाथः अवदत् यत् वर्षे २०१७ अनन्तरं उत्तरप्रदेशस्य आधारभूतसंरचनायां महती वृद्धिः अभवत्। एक्सप्रेसवे महामार्गैः सह विस्तीर्णरूपेण मार्गजालस्य निर्माणम् अभवत्। नूतनाः उद्योगाः स्थापिताः। नागरीकरणस्य क्षेत्रं विस्तारितम् तथा नूतनाः आवासनिवेशाः विकसिताः। भौतिकविकासे तीव्रयोगदानं दत्तवता अस्मिन् राज्येन पर्यावरणसंरक्षणस्य दृढसंकल्पितप्रयत्नैः वनाच्छादनस्य विस्तारः अपि सफलतया साधितः। मुख्यमन्त्री अवदत् यत् पृथिव्यां यदा एकः वृक्षः वर्धते तदा सः शतानि टनपरिमितं कार्बनडाइऑक्साइड वायुम् अवशोषयति। तेन उक्तं यत् गतनववर्षेषु उत्तरप्रदेशस्य वनाच्छादनवृद्धेः परिणामतः षट्कोटि सप्तत्रिंशल्लक्ष चतुःसप्ततिसहस्र एकशत त्रिंशत् टनपरिमितस्य कार्बनडाइऑक्साइडस्य अवशोषणं चतुःकोटि त्रिषष्टिलक्ष नवतिसहस्र एकशत त्रिंशत् टनपरिमितस्य प्राणवायोः उत्सर्जनं च अभवत्।
ऋतुचक्रपरिवर्तनस्य कृष्युत्पादने प्रभावः
मुख्यमन्त्री अवदत् यत् पर्यावरणे विद्यमानस्य संकटस्य प्रभावः ऋतुचक्रे अपि दृश्यते। अद्यतनदिनेषु या वर्षा प्रारब्धा सा पञ्चदश जूनदिनाङ्कात् एव प्रारभेत इति अपेक्षा आसीत्। वर्षा प्रायः एकमासेन विलम्बिता अभवत्। यत् बीजं पञ्चदश जूनपर्यन्तं रोपणीयम् आसीत् तत् यदि पञ्चदश जुलै दिनाङ्के रोप्यते तर्हि उत्पादने पञ्चविंशतिः त्रिंशत्प्रतिशतपर्यन्तः अन्तरः भवति। तेन उक्तं यत् पर्यावरणस्य असन्तुलनात् कदाचित् ग्रीष्मकालः अत्यन्तं तीव्रः भवति कदाचित् शीतकालः अपि। विश्वे निरन्तरं वैश्विकोष्मीकरणस्य विषये चेतावनी प्रदीयते। आगामिकाले समुद्रतटस्थितानि बहूनि नगराणि निमज्जनस्थितौ भविष्यन्ति तथा अन्यत्र जलस्य घोरसंकटमपि सम्भविष्यति इति आशङ्का व्यक्ता।
काङ्ग्रेसशासनकाले एलपीजी संयोजनानि कृष्णविपण्यां विक्रीयन्ते स्म मोदीसर्वकारेण दशकोटि परिवारेभ्यः निःशुल्कं प्रदत्तानि
मुख्यमन्त्री योगी आदित्यनाथः अवदत् यत् प्रधानमन्त्री नरेन्द्रमोदिनः दूरदृष्ट्या देशे दशकोटि परिवारेभ्यः निःशुल्कानि एलपीजी संयोजनानि प्रदत्तानि यानि पूर्वं काङ्ग्रेससर्वकारस्य काले कृष्णविपण्यां विक्रीयन्ते स्म। देशस्य दशकोटि परिवारेषु मातृभ्यः भगिनीभ्यश्च पाकशालाधूमात् मुक्तिः प्राप्ता। केवलं उत्तरप्रदेशे एव द्विकोटि परिवाराः एतत् लाभं प्राप्तवन्तः। मुख्यमन्त्री अवदत् यत् अन्ताराष्ट्रियस्य सौरसहकारसंघस्य अध्यक्षरूपेण प्रधानमन्त्री नरेन्द्रमोदी विश्वमपि अस्य विषये प्रेरितवान्। मुख्यमन्त्री उक्तवान् यत् अयोध्याधाम प्रदेशस्य प्रथमं सौरनगरम् अभवत्। तत्र सर्वासु मार्गदीपिकासु सौरऊर्जायाः उपयोगः क्रियते। अस्मिन् अवसरे मुख्यमन्त्री योगी आदित्यनाथेन उत्तरप्रदेशस्य नववर्षीय हरितगाथा इति लघुचलच्चित्रस्य तथा वानिकी पञ्चाङ्गस्य विमोचनम् अपि कृतम्।
मुख्यमन्त्रिणा पौधवितरणम् कार्बन क्रेडिट योजनायाः अन्तर्गतं कृषकेभ्यः प्रमाणपत्राणि समर्पितानि
वृक्षारोपणमहायज्ञकार्यक्रमस्य समये मुख्यमन्त्रिणा पौधानां वितरणं कृतम्। तेन कार्बन क्रेडिट वित्तयोजनायाः अन्तर्गतं क्षेत्रसीमासु अधिकवृक्षारोपणं कृतवद्भ्यः कृषकेभ्यः प्रमाणपत्राणि अपि समर्पितानि। मुख्यमन्त्री योगी ग्रामीणावासयोजनायाः लाभार्थिनीभ्यः गीतादेव्यै मधुरायै इशरावत्यै शीलायै कालिन्द्यै च गृहस्य पुरतः रोपणार्थं शिग्रुवृक्षस्य पौधं समर्पितवान्। कार्बन क्रेडिट योजनायाः अन्तर्गतं सप्तशताधिकवृक्षारोपणं कृतवते नरपतये कैम्पियरगञ्ज गोरखपुर निवासीने षट्पञ्चाशदधिकषट्शतवृक्षारोपणं कृतवते अशफाकखानाय देसही देवरिया निवासीने अष्टशतवृक्षारोपणं कृतवत्यै रञ्जनादेव्यै हाटा कुशीनगर निवासीने अष्टपञ्चाशदधिकाष्टशतवृक्षारोपणं कृतवते अरविन्दकुमाराय पडरौना कुशीनगर निवासीने च मुख्यमन्त्रिणः करकमलाभ्यां कार्बन क्रेडिट योजनायाः अन्तर्गतं प्रदेयराशेः प्रमाणपत्राणि प्रदत्तानि।
वृक्षारोपणमहायज्ञस्य शुभारम्भकार्यक्रमे मुख्यमन्त्रिणः योगी आदित्यनाथस्य स्वागतं कुर्वन् वनपर्यावरणराज्यमन्त्री स्वतन्त्रप्रभारयुक्तः डा. अरुणकुमार सक्सेना अवदत् यत् मुख्यमन्त्रिणः योगिनः मार्गदर्शनेन उत्तरप्रदेशे हरितावरणस्य वृद्धिः अभवत्।
अस्मिन् अवसरे सांसदः रविकिशन शुक्लः सहजनवा विधानसभायाः विधायकः प्रदीप शुक्लः प्रदेशसर्वकारस्य मत्स्यविभागस्य मन्त्री संजय निषादः राज्यसभासदस्या संगीता यादवः विधानपरिषद्सदस्यः भारतीयजनतापक्षस्य प्रदेशोपाध्यक्षः डा. धर्मेन्द्र सिंहः विधायकाः फतेह बहादुर सिंहः श्रीराम चौहानः राजेश त्रिपाठी विपिन सिंहः डा. विमलेश पासवानः महेन्द्रपाल सिंहः सरवन निषादः राज्यमहिलाआयोगस्य उपाध्यक्षा चारू चौधरी वृक्षारोपणमहायज्ञस्य गोरखपुरस्य नोडलाधिकारी सुहास एलवाई भारतीयजनतापक्षस्य क्षेत्रीयाध्यक्षः विनोद राय जिलाध्यक्षः जनार्दन तिवारी पूर्वजिलाध्यक्षः युधिष्ठिर सिंहः ब्लॉक प्रमुखः दिलीप यादवः च प्रमुखरूपेण उपस्थिताः आसन्।
Hindusthan Samachar / Dheeraj Maithani