जोधपुरम्, 12 जुलाईमासः (हि.स.)।

केन्द्रीयसंस्कृतिपर्यटनमन्त्री गजेन्द्रसिंहशेखावतः रविवासरे जोधपुरविमानस्थानकस्य नूतनयात्रिकप्रवेशकेन्द्रात् नियमितविमानसेवानां शुभारम्भावसरे पूर्वमुख्यमन्त्रिणम् अशोकगहलोतम् उद्दिश्य उक्तवान् यत् जोधपुरे सम्पन्नानि विकासकार्याणि दृष्ट्वा तस्य मनसि स्थितः राजनैतिकभ्रमः आवरणं च नश्येत्।

विमानस्थानके माध्यमप्रतिनिधिभिः सह संवादे शेखावतः अवदत् यत् कतिपयदिनपूर्वं पूर्वमुख्यमन्त्री सार्वजनिकरूपेण पृष्टवान् आसीत् यत् द्वादशवर्षेषु सांसदरूपेण तेन किं कार्यं कृतम्। सः अवदत् यत् अधुना गहलोतस्य समक्षं महान् आव्हानम् अस्ति यत् सः येन केनापि मार्गेण जोधपुरम् आगमिष्यति तस्मिन् मार्गे तस्मै विकासकार्याणि दृश्यन्ते।

शेखावतः अवदत् यत् यदि गहलोतः विमानमार्गेण आगमिष्यति तर्हि तस्मै नूतनं विमानस्थानकस्य यात्रिकप्रवेशकेंद्रं दृश्यते। यदि सः रेलमार्गेण आगमिष्यति तर्हि नूतनं रेलस्थानकं दृश्यते। यदि सः मार्गेण आगमिष्यति तर्हि बोरानाडातः बिलाडापर्यन्तं निर्मिता सीमेन्टकङ्क्रीटनिर्मिता चतुर्मार्गीयसडकापि दृश्यते। तेन अभिहितं यत् अस्याः सडकायाः घोषणा पूर्वसर्वकारस्य काले अभवत् किन्तु तदा निर्माणकार्यं न सम्पन्नम्।

केन्द्रीयमन्त्री अवदत् यत् बनाड तथा नान्दडी क्षेत्रयोः वर्षाकाले जलसञ्चयसमस्यायाः समाधानार्थम् उन्नतमार्गस्य निर्माणं कारितम्। तथैव डाङ्गियावासप्रदेशतः आगच्छता नूतनः परिहारमार्गः अपि दृश्यते। तस्य मते एतानि तानि विकासकार्याणि सन्ति यानि पूर्वं दीर्घकालपर्यन्तम् अपूर्णानि आसन् किन्तु अधुना पूर्णतां प्राप्तानि।

शेखावतः अवदत् यत् जोधपुरे सम्पन्नानि एतानि विकासकार्याणि दृष्ट्वा पूर्वमुख्यमन्त्रिणः मनसि स्थिता राजनैतिकधारणा परिवर्तिष्यते तथा च तस्मै क्षेत्रे सम्पन्नपरिवर्तनस्य अनुभूतिः भविष्यति।

---------------

Hindusthan Samachar / Dheeraj Maithani