भोपालम्, 13 जुलाईमासः (हि.स.)।

भविष्यकालः कृत्रिमबुद्धेः तथा दत्तांशकेन्द्राणां भवति। मध्यप्रदेशः एतेषु क्षेत्रेषु तीव्रगत्या निवेशान् आकर्षयति। स्वस्य नीतिगतदूरदर्शिता, प्रौद्योगिकीसामर्थ्यं दृढसंकल्पश्च आश्रित्य मध्यप्रदेशः भविष्ये अन्तरिक्षे दत्तांशकेन्द्रं स्थापयितुं समर्थः भवितुमर्हति तथा च एतादृशं कार्यं करणारा देशस्य प्रथमः राज्यः भवितुं क्षमता धारयति।

एतानि विचाराणि बहुराष्ट्रिय सेमीकण्डक्टरसंस्थायाः एस्टेरा लैब्स इत्यस्य वरिष्ठोपाध्यक्षः सूचना प्रौद्योगिकी विभागस्य प्रबन्धनिर्देशकश्च शिवानन्द आर कोटेश्वरः सोमवासरे भोपालनगरे आयोजिते एमपी टेक ग्रोथ कॉन्क्लेव ३.० इत्यस्य समारोहे व्यक्तवान्। तेन उक्तं यत् मुख्यमन्त्रिणः डॉ मोहन यादवस्य नेतृत्वे मध्यप्रदेशस्य प्रौद्योगिकीदृष्टिः राज्याय प्रौद्योगिकी तथा नवोन्मेषक्षेत्रयोः नवीनां परिचितिं प्रददाति। प्रदेशस्य उद्योगानुकूलाः दूरदर्शिन्यः नीतयः वैश्विकनिवेशकानां कृते अनुकूलं विश्वसनीयञ्च वातावरणं निर्मितवन्त्यः। प्रदेशस्य कुशलाः नवोन्मेषाभिमुखाश्च युवानः अस्य दृष्टेः साकारकरणे प्रमुखा शक्तिः सन्ति।

सेमीकण्डक्टरयात्रायां महत्त्वपूर्णः सोपानः अस्ति एमपी टेक ग्रोथ कॉन्क्लेव

पारस सेमीकण्डक्टर्स संस्थायाः मुख्यकार्यनिर्वाहकः सन्तोष कुमारः अवदत् यत् एमपी टेक ग्रोथ कॉन्क्लेव ३.० मध्यप्रदेशस्य सेमीकण्डक्टरयात्रायाः महत्त्वपूर्णः सोपानः अस्ति। प्रदेशसर्वकारस्य प्रगतिशीलनीतिभिः अत्याधुनिकप्रौद्योगिक्या सह समन्वयेन प्रदेशे सुदृढः भविष्याभिमुखः सेमीकण्डक्टरपरितन्त्रः विकसितः भवति।

तेन सूचितं यत् पारस सेमीकण्डक्टर्स संस्थया मध्यप्रदेशे भारतस्य प्रथमायाः अत्याधुनिकायाः एडवांस्ड हेटेरोजीनियस पैकेजिंग ओसेट इकायाः स्थापनार्थं प्रायः षट्सहस्रकोटिरूप्यकाणां निवेशः क्रियते। तेन उक्तं यत् एषा परियोजना प्रदेशे सेमीकण्डक्टरमूल्यशृङ्खलां सुदृढां करिष्यति तथा च मध्यप्रदेशं सेमीकण्डक्टरनिर्माणस्य नवोन्मेषस्य च अग्रणीकेन्द्ररूपेण स्थापयितुं महत्त्वपूर्णां भूमिकां निर्वहिष्यति।

टेक ग्रोथ कॉन्क्लेवस्य भागित्वं गौरवस्य विषयः

सीटीआरएलएस संस्थायाः रणनीतिप्रमुखः सिद्धार्थ रेड्डी अवदत् यत् मध्यप्रदेशस्य सर्वासु त्रिषु टेक ग्रोथ कॉन्क्लेवेषु सहभागित्वं तस्य कृते अत्यन्तं सुखदः अनुभवः आसीत्। मध्यप्रदेशसर्वकारेण सूचना प्रौद्योगिकी उद्योगस्य आवश्यकतानाम् निवेशकानाम् अपेक्षाणां च अनुरूपं क्रमशः नीतिगतपहलाः कृताः। प्रथमे टेक ग्रोथ कॉन्क्लवे दत्तांशकेन्द्राणि, द्वितीये सेमीकण्डक्टरनीतिः, तृतीये तु जीसीसी, दत्तांशकेन्द्राणि तथा सेमीकण्डक्टरविषये विशेषः केन्द्रितप्रयासः कृतः। तेन उक्तं यत् मुख्यमन्त्रिणः डॉ मोहन यादवस्य नेतृत्वे उद्योगानुकूलनीतीनां प्रभावी क्रियान्वयनं जातम्। तस्य परिणामस्वरूपं प्रदेशे डिजिटलप्रौद्योगिकीक्षेत्रे सुदृढं सततविकासशीलं च परितन्त्रं विकसितम्।

सर्वकारस्य उद्योगजगतश्च मध्ये संवादस्य सशक्तः मञ्चः अभवत् कॉन्क्लेव

विज्ञानप्रौद्योगिकीविभागस्य प्रमुखसचिवः एम सेल्वेंद्रन् अवदत् यत् टेक ग्रोथ कॉन्क्लेव सूचना प्रौद्योगिकी तथा दत्तांशक्षेत्रस्य उद्यमिनां सर्वकारस्य च मध्ये संवादस्थापनस्य प्रभावी मञ्चः अस्ति। राज्यसर्वकारेण सूचना प्रौद्योगिकी उद्योगस्य आवश्यकतानां वैश्विकमाङ्गल्यस्य च अनुरूपाः उद्योगानुकूलाः नीतयः निर्मिताः तथा च समये समये तासु आवश्यकसंशोधनानि अपि कृतानि।

तेन उक्तं यत् एतेषां नीतिगतप्रयत्नानां परिणामस्वरूपं प्रदेशे सूचना प्रौद्योगिकीक्षेत्रे निवेशः निरन्तरं वर्धते तथा च प्रौद्योगिकीविकासाय नूतना दिशा लभ्यते। सेल्वेंद्रन् देशविदेशेभ्यः आगतान् उद्योगपतिन् निवेशकान् प्रौद्योगिकीसहयोगिनश्च स्वागतं कृत्वा विश्वासं व्यक्तवान् यत् सर्वकारस्य उद्योगजगतश्च सहभागिता मध्यप्रदेशं डिजिटलप्रौद्योगिकीक्षेत्रे नूतनासु उन्नतिषु नेतुं महत्त्वपूर्णां भूमिकां निर्वहिष्यति।

४२२ कोटिरूप्यकाणां पीसीबी निर्माणपरियोजनायै सीसीआईपी संस्थायाः स्वीकृतिः

कॉन्क्लवे इलेक्ट्रॉनिक्सनिर्माणस्य प्रोत्साहनार्थं सीसीआईपी संस्थया भोपालनगरे एमराल्ड संस्थायाः ४२२ कोटिरूप्यकाणां पीसीबी निर्माणपरियोजनायै स्वीकृतिः प्रदत्ता। अस्याः परियोजनायाः फलस्वरूपं ३१४ प्रत्यक्षरोजगारावसराः सृज्यन्ते। एषः निवेशः प्रदेशस्य इलेक्ट्रॉनिक्सनिर्माणक्षमतां सुदृढां करिष्यति तथा च औद्योगिकविकासाय रोजगारसृजनाय च नवीनां गतिं प्रदास्यति।

कॉन्क्लवे सेमीकण्डक्टर, ग्लोबल कैपेबिलिटी सेन्टर, दत्तांशकेन्द्र, इलेक्ट्रॉनिक्सनिर्माण, कृत्रिमबुद्धिः, कौशलविकासः तथा डिजिटलाधारसंरचना इत्यादिषु विषयेषु उच्चस्तरीयाः गोलमेजोपवेशनानि, उद्योगविशेषज्ञानां मुख्यव्याख्यानसत्राणि, निवेशकसम्मेलनानि तथा नीतिसंवादाः आयोजिताः। एतेषु विचारविमर्शेषु उद्योगजगतः प्रतिनिधयः मध्यप्रदेशस्य उद्योगानुकूलनीतीनां, उत्कृष्टपरिवहनव्यवस्थायाः, भूमेः उपलब्धेः, कुशलमानवसंसाधनस्य तथा शीघ्रनिर्णयप्रक्रियायाः प्रशंसां कृत्वा राज्ये दीर्घकालिकनिवेशस्य प्रतिबद्धतां व्यक्तवन्तः।

---------------

Hindusthan Samachar / Dheeraj Maithani