मंडी, 13 जुलाईमासः (हि.स.)।

मण्ड्याः विपाशा सदने द्रङ्गविधानसभाक्षेत्रस्य विधायकेन पूर्णचन्द्रठाकुरेण नवनिर्वाचितानां जनप्रतिनिधीनां भारतीयजनतापार्टीकार्यकर्तृणां च सम्मानसमारोहः आयोजितः। अस्मिन् अवसरे पूर्वमुख्यमन्त्री प्रतिपक्षनेता च जयरामठाकुरः मुख्यातिथिरूपेण उपस्थितः आसीत्। अस्मिन् समारोहे द्रङ्गविधानसभाक्षेत्रस्य नवनिर्वाचिताः भारतीयजनतापार्टीसम्बद्धाः पञ्चायतीराजसंस्थानां जनप्रतिनिधयः, जिलापरिषद्सदस्याः, बीडीसी अध्यक्षाः उपाध्यक्षाश्च, ग्रामपञ्चायतप्रधानाः, उपप्रधानाः, वार्डपञ्चाः तथा भारतीयजनतापार्टीकार्यकर्तारः सहभागीभूताः।

मुख्यातिथिः प्रतिपक्षनेता जयरामठाकुरः नवनिर्वाचितान् जिलापरिषद्सदस्यान्, बीडीसी अध्यक्षान् उपाध्यक्षांश्च मफलरं टोपीं च धारयित्वा स्मृतिचिह्नानि प्रदाय सम्मानितवान्। अस्मिन् अवसरे काङ्ग्रेसदलं परित्यज्य सप्तदश जनाः भारतीयजनतापार्टीसदस्यतां स्वीकृतवन्तः, तेषां जयरामठाकुरेण स्वागतं कृतम्। अस्मिन् प्रसङ्गे तेन आशा व्यक्ता यत् सर्वे जनप्रतिनिधयः संगठनस्य विचारधारां जनसेवायाः सङ्कल्पं च अनुसृत्य क्षेत्रस्य सर्वाङ्गीणविकासे जनापेक्षाणां पूरणे च महत्त्वपूर्णां भूमिकां निर्वहिष्यन्ति।

सम्मेलनम् सम्बोधयन् सः अवदत् यत् जनप्रतिनिधित्वेन प्राप्तां उत्तरदायित्वपूर्णां भूमिकां सम्यक् प्रकारेण निर्वहन्तु। सः उक्तवान् यत् नेतृत्वं प्राप्ते सति स्वेच्छया कार्यकरणस्य भावना मनसि जायते, किन्तु जनतायाः अपेक्षानुसारमपि कार्यं करणीयम्, यतः जनतैव यूयं निर्वाचिताः। जयरामठाकुरेण उक्तं यत् अस्य निर्वाचनस्य कृते भारतीयजनतापार्टी सर्वोच्चन्यायालयपर्यन्तं दीर्घं न्यायसंग्रामम् अकरोत्, यदा तु काङ्ग्रेसस्य सुक्खूसरकारेण लोकतन्त्रस्य दमनं कृत्वा षण्मासपर्यन्तं कार्यप्रवाहः स्थगितः। तेन दावः कृतः यत् हिमाचलप्रदेशे सप्ततिशतांशात् अधिकाः जनप्रतिनिधयः भारतीयजनतापार्टीसम्बद्धाः निर्वाचिताः।

तेन उक्तं यत् मुख्यमन्त्री बहुमतादेव भयभीतः अस्ति तथा जनादेशं प्रभावितुं धनबलस्य सत्ताभयस्य च प्रयोगं कृत्वा विजयीजनप्रतिनिधीन् स्वपक्षे आनयितुं निष्फलं प्रयत्नं करोति, येन तस्मिन् महान् निराशाभावः दृश्यते। स्थानीयनिकायनिर्वाचनपरिणामानां उल्लेखं कुर्वन् सः अवदत् यत् भारतीयजनतापार्टी त्रीणि नगरनिगमानि स्थापयितुं सफलाभवत्, यदा तु काङ्ग्रेसः केवलं पालमपुरे विजयं प्राप्तवती। मण्डीजिले भारतीयजनतापार्टी षट्त्रिंशत्स्थानेषु एकोनत्रिंशत्स्थानानि प्राप्तवती, काङ्ग्रेसः केवलं चतुःस्थानेषु सीमितः अभवत्। द्वादशस्थानेषु पञ्चसु स्थानेषु भारतीयजनतापार्टी जिलापरिषदः स्थापितवती, काङ्ग्रेसदलं केवलम् एकस्मिन् स्थाने सफलमभवत्, अवशिष्टेषु षट्सु स्थानेषु निर्वाचनप्रक्रिया स्थगिता अस्ति।

आगामिनि २०२७ तमे वर्षे विधानसभानिर्वाचने मण्डीजिलस्य सर्वाः दश विधानसभास्थानानि विजित्य काङ्ग्रेसदलस्य पूर्णपराजयं साधयितुम् आह्वानं कुर्वन् जयरामठाकुरः आरोपितवान् यत् अस्मिन् शासनकाले मण्डी, काङ्गडा, हमीरपुर इत्येतेषां जनपदानां पूर्णतया उपेक्षा कृता, विकासकार्याणि स्थगितानि च, तथा शासनं केवलं नादौनक्षेत्रे एव कार्यरतं दृश्यते। तेन उक्तं यत् तत्र मुख्यमन्त्री स्वक्षेत्रे जिलापरिषदः चतसृषु स्थानेषु केवलम् एकस्यां स्थाने विजयम् अलभत, यदा तु भारतीयजनतापार्टी त्रिषु स्थानेषु विजयं प्राप्तवती।

---------------

Hindusthan Samachar / Dheeraj Maithani