छत्तीसगढेन अपनी लोकसंस्कृतेः अनमूल्यरत्नानि लोपितानि: आगामिसंततये सदैव वर्तिष्यते प्रेरणायाः स्राेतः : मुख्यमंत्री सायः

रायपुरम् 13 जुलाईमासः (हि.स.)।

छत्तीसगढविधानसभायाः पावससत्रस्य प्रवर्तनकाले मुख्यमन्त्री विष्णुदेवसायः अद्य सोमवासरे पद्मविभूषणसम्मानेन विभूषितायाः विश्वविख्यातायाः पण्डवानीगायिकायाः डॉ. तीजनबाय्याः निधनम् अनुस्मृत्य गाढं शोकं व्यक्तीकृतवान् तथा तस्यै भावपूर्णां श्रद्धाञ्जलिम् अर्पितवान्। निधनोल्लेखस्य प्रसङ्गे मुख्यमन्त्री सायः अवदत् यत् डॉ. तीजनबाय्याः निधनात् छत्तीसगढराज्येन स्वकीयलोकसंस्कृतेः अमूल्यं रत्नम् अपहृतम्। तस्याः प्रस्थानेन कलाजगतः सांस्कृतिकजगतश्च अपूरणीया क्षतिः जाता।

मुख्यमन्त्री सायः अवदत् यत् डॉ. तीजनबाय्याः पण्डवानीगायनस्य कापालिकशैलीं नवीनोन्नतिं प्रापयत् तथा स्वकीयया विलक्षणप्रतिभया लोककलायाः राष्ट्रीयाम् अन्तरराष्ट्रीयां च प्रतिष्ठां स्थापितवती। तस्याः प्रस्तुतिषु गायनस्य अभिनयस्य च अद्भुतः समन्वयः दृश्यते स्म। पात्राणां सजीवचित्रणम् ओजस्विनी वाणी प्रभावशालिनी प्रस्तुति च श्रोतॄन् मन्त्रमुग्धान् करोति स्म।

मुख्यमन्त्री सायः अवदत् यत् डॉ. तीजनबाय्याः जीवनं संघर्षस्य साधनायाः समर्पणस्य च प्रेरणादायकम् उदाहरणम् आसीत्। यस्मिन् काले पण्डवानीगायने महिलानां सहभागिता अत्यल्पा आसीत् तस्मिन् एव काले सा सामाजिकरूढीः साहसेन प्रत्याह्वयत् स्वकीयं विशिष्टं स्थानं च निर्मितवती तथा आगामिपीढीनां कृते प्रेरणास्रोतः अभवत्। सः अवदत् यत् डॉ. तीजनबाय्याः एशियाखण्डे यूरोपखण्डे विश्वस्य अनेकेषु देशेषु च स्वकीयाभिः प्रभावशालिनीभिः प्रस्तुतिभिः छत्तीसगढस्य सांस्कृतिकपरिचयं वैश्विकमञ्चे प्रतिष्ठापितवती। तस्याः अद्वितीययोगदानस्य कृते तस्यै पद्मश्री पद्मभूषण संगीतनाटकअकादमीपुरस्कारः सहिताः अनेके राष्ट्रीयाः अन्तरराष्ट्रीयाश्च सम्मानाः प्रदत्ताः। वर्षे २०१९ तमे भारतसर्वकारेण तस्यै देशस्य द्वितीयसर्वोच्चनागरिकसम्मानः पद्मविभूषणः प्रदत्तः। एतत् गौरवं प्राप्तवती सा छत्तीसगढस्य एकैव विभूतिः आसीत्।

मुख्यमन्त्री सायः अवदत् यत् राष्ट्रपतिः द्रौपदीमुर्मुः प्रधानमन्त्री नरेन्द्रमोदी केन्द्रीयमन्त्रिणश्च अपि डॉ. तीजनबाय्याः कलाक्षेत्रे अतुलनीययोगदानम् अनुस्मृत्य तस्यै श्रद्धाञ्जलिम् अर्पितवन्तः। सः एतदपि अवदत् यत् राज्योत्सवस्य अवसरे रायपुरनगरस्य प्रवासकाले प्रधानमन्त्रिणा नरेन्द्रमोदिना डॉ. तीजनबाय्याः परिवारजनैः सह दूरभाषमाध्यमेन संवादः कृतः आसीत् तथा तेषां कुशलक्षेमम् अपि पृष्टम् आसीत्।

मुख्यमन्त्री सायः अवदत् यत् अनेकैः विश्वविद्यालयैः डॉ. तीजनबाय्यै डी.लिट् मानदोपाधिः प्रदत्ता। भारतीयलोकसङ्गीतस्य लोकसंस्कृतेश्च संरक्षणे संवर्धने च तस्याः योगदानं सदा स्वर्णाक्षरैः लिखितं भविष्यति। तस्याः कला साधना समर्पणं च आगामिपीढीः स्वकीयां सांस्कृतिकविरासतां प्रति गौरवं अनुभूय ताम् अग्रे नेतुं प्रेरयिष्यति।

मुख्यमन्त्री सायः सदनस्य पक्षतः दिवङ्गतायै पद्मविभूषणसम्मानितायै डॉ. तीजनबाय्यै विनम्रां श्रद्धाञ्जलिम् अर्पयन् ईश्वरं प्रार्थितवान् यत् पुण्यात्मन्यै स्वकीयेषु श्रीचरणेषु स्थानं प्रददातु। सः अवदत् यत् परमात्मा अस्मिन् कठिनकाले शोकसन्तप्तपरिवारजनान् तस्याः असंख्यान् प्रशंसकान् कलाजगत् च एतस्य महतः दुःखस्य सहनशक्तिं प्रददातु।

---------------

Hindusthan Samachar / Dheeraj Maithani