हरिद्वारम्, 13 जुलाईमासः (हि.स.)।

देवभूमेः उत्तराखण्डस्य विभिन्नजनपदानां ब्राह्मणसङ्घटनानि समाजस्य ऐक्यं सङ्घटनं च सुदृढीकर्तुं ब्राह्मणसमाजसंयुक्तमञ्चस्य गठनं कृतवन्ति। गोविन्दपुरीस्थे एसएमजे एन डिग्री कॉलेजे सोमवासरे आयोजिते संयुक्तोपवेशने एषः महत्त्वपूर्णः निर्णयः कृतः।

उपवेशने निश्चितं यत् श्रीमहन्तः डॉ. रविन्द्र पुरी महाराजः संयुक्तमञ्चस्य मुख्यसंयोजकः भविष्यति। मञ्चे प्रदेशस्य प्रत्येकस्मात् ब्राह्मणसङ्घटनात् चत्वारः संयोजकसदस्याः समावेश्यन्ते तथा च जनपदनगरस्तरे क्षेत्रीयप्रभारिणां नियुक्तिः क्रियते। सहैव उत्तराखण्डेन सह संलग्नानां अन्यराज्यानां ब्राह्मणसङ्घटनानामपि मञ्चेन सह संयोजनस्य प्रयासः क्रियते।

सभां सम्बोधयन् श्रीमहन्तः डॉ. रविन्द्र पुरी महाराजः अवदत् यत् सन्तसमाजः समाजहितस्य प्रत्येकस्मिन् कार्ये ब्राह्मणसमाजस्य सह स्थितः अस्ति। तेन घोषणा कृता यत् कुम्भ २०२७ मध्ये ब्राह्मणसमाजसंयुक्तमञ्चस्य सदस्याः निरञ्जनीअखाडा इत्यनेन सह शाहीस्नाने सहभागिनः भविष्यन्ति। अस्मिन् अवसरे भगवान् परशुरामस्य पालकी अपि शाहीस्नानयात्रायाः भागः भविष्यति तथा च हरकीपैडीस्थे पवित्रे ब्रह्मकुण्डे भगवानः परशुरामस्य प्रतीकविग्रहस्य विधिपूर्वकं शाहीस्नानं कारयिष्यते।

उपवेशने संयुक्तमञ्चस्य कृते पञ्च संरक्षकाणां घोषणापि कृता। एतदतिरिक्तं मञ्चस्य मुख्यकार्यालयः श्रीनिरञ्जनीअखाडे हरिद्वारे स्थापयितुं सम्मतिः अभवत्। भविष्ये आवश्यकतानुसारम् अन्ये सन्ताः अपि संरक्षकमण्डले समावेश्यन्ते।

अस्मिन् अवसरे अरुणकुमारशर्मा, पद्मप्रकाशशर्मा, अधीरकौशिकः, शिवकुमारशर्मा, डॉ. अजयवशिष्ठः, अजयउनियालः, रञ्जनमिश्रः, अनुरागगौडः, आचार्यः रमेशसेमवालः, संजयशर्मा, अश्वनीभारद्वाजः, बालकृष्णशास्त्री, डॉ. बीडी शर्मा, रामप्रसादउपाध्यायः, प्रो. सुनीलकुमारबत्रा इत्यादयः देहरादून, हरिद्वार, रुडकी आदिक्षेत्रेभ्यः आगताः ब्राह्मणसङ्घटनानां प्रतिनिधयः उपस्थिताः आसन्।

---------------

Hindusthan Samachar / Dheeraj Maithani