Enter your Email Address to subscribe to our newsletters
गुवाहाटीनगरम्, १४ जुलाईमासः (हि.स.)। असमराज्यस्य मुख्यमन्त्री डॉ. हिमन्तबिस्वसरमा मङ्गलवासरे विख्यातस्य असमीय-साहित्यकारस्य नवकान्तबरुवा-इत्यस्य पुण्यतिथौ तस्मै भावपूर्णां श्रद्धाञ्जलिं समर्पितवान् तथा असमीयभाषा-साहित्य-संस्कृतिं प्रति तस्य अमूल्यं योगदानं स्मृतवान्।
मुख्यमन्त्री सामाजिकमाध्यमे प्रसारिते सन्देशे उक्तवान् यत् बाल्यकाले बालसाहित्यमाध्यमेन नवकान्तबरुवा-इत्यस्य रचनाभिः तस्य परिचयः अभवत्, यः कालेन गम्भीरसाहित्य-अनुरागे परिणतः। सः अवदत् यत् बालसाहित्यं, कविता, उपन्यासाः, गीतानि च समाविशन्त्यः तस्य सर्वाः रचनाः असमीय-साहित्य-संस्कृतेः अमूल्या: धरोहराः सन्ति।
डॉ. सरमा उक्तवान् यत् नवकान्तबरुवा-इत्यस्य कालजयी-साहित्यकृतयः गीतानि च वंशपरम्परया जनान् चिन्तनाय, संवेदनायै, सृजनशीलतायै च प्रेरितवन्ति। सः विश्वासं प्रकटितवान् यत् असमीय-भाषा-साहित्ययोः आकाशे तस्य योगदानं सदा उज्ज्वलं भविष्यति। अन्ते सः पुण्यतिथौ महान्तं साहित्यकारं प्रति विनम्रां श्रद्धाञ्जलिं समर्पितवान्।
Hindusthan Samachar / Divya Ranjan