धर्मशाला, 14 जुलाईमासः(हि.स.)।

पूर्वोद्योगमन्त्री तथा जसवां-परागपुरक्षेत्रस्य भारतीयजनतापक्षस्य विधायकः विक्रमसिंहठाकुरः मुख्यमन्त्रिणं सुखविन्द्रसिंहसुक्खूं काङ्ग्रेसदलम् च तीव्रतया आलोचितवान्। तेन उक्तं यत् स्वकीयानां दश निर्वाचनप्रतिज्ञानां विफलता, प्रदेशस्य अवनम्यमाना आर्थिकस्थितिः, वर्धमानं ऋणभारः तथा प्रशासनिकविफलता इत्येतेभ्यः जनतायाः ध्यानं अन्यत्र नेतुं काङ्ग्रेससर्वकारः अधुना भगवान् श्रीरामस्य नाम्ना राजनीतिं करोति। तेन उक्तं यत् यदि मुख्यमन्त्री वस्तुतः प्रदेशस्य जनतायाः प्रति उत्तरदायी अस्ति, तर्हि राममन्दिरविषये वक्तव्यप्रदर्शनस्य स्थाने हिमाचलप्रदेशस्य वास्तविकाम् आर्थिकस्थितिं विषये श्वेतपत्रं प्रकाशयतु।

विक्रमसिंहठाकुरेण मङ्गलवासरे प्रकाशिते वक्तव्ये उक्तं यत् काङ्ग्रेसदलस्य भगवान् श्रीरामस्य राममन्दिरस्य च विषये प्रश्नोद्धापनस्य नैतिकाधिकारः नास्ति। तस्य कथनानुसारं यत् दलं दीर्घकालं श्रीरामजन्मभूम्याः आन्दोलनस्य विरोधम् अकरोत्, न्यायिकप्रक्रियायाम् अवरोधान् अकरोत्, श्रीरामस्य अस्तित्वमपि प्रश्नाङ्कितवत्, तत् एव अधुना राजनैतिकलाभार्थं कोटिशः श्रद्धालूनाम् आस्थां प्रश्नाङ्कयति। तेन आरोपः कृतः यत् मुख्यमन्त्री सुक्खू अपि स्वसर्वकारस्य विफलताः गोपयितुं श्रीरामस्य नाम्नः आश्रयं गृह्णाति।

भ्रष्टाचारविषये वक्तुं पूर्वं काङ्ग्रेसदलेन स्वस्य इतिहासस्य उत्तरं दातव्यमिति अपि तेन उक्तम्। तस्य मते देशः अद्यापि २जी-स्पेक्ट्रम्-प्रकरणम्, कोयलाविनियोजनप्रकरणम्, राष्ट्रमण्डलक्रीडाघोटालः, बोफोर्सतोपव्यवहारः, अगस्ता-वेस्टलैण्ड-हेलिकॉप्टरप्रकरणम्, आदर्शगृहसमितिभ्रष्टाचारः, नेशनलहेराल्डप्रकरणम्, एयरसेल-मैक्सिसप्रकरणम्, तत्राट्रकव्यवहारः, चाराघोटालः, हेलिकॉप्टरक्रय-अनियमितताः, बैंकिङ्गसम्बद्धाः घोटालाः तथा अन्ये बहवः भ्रष्टाचारप्रकरणानि विस्मर्तुं न शक्नोति। तेन आरोपितं यत् काङ्ग्रेसदलस्य इतिहासः भ्रष्टाचारेण, घोटालैः, सत्तादुरुपयोगेन च परिपूर्णः अस्ति।

विक्रमसिंहठाकुरः अवदत् यत् येषां शासनकाले भ्रष्टाचारः व्यवस्थायाः अङ्गम् अभवत्, ते एव अधुना निष्ठायाः पारदर्शितायाश्च उपदेशं ददति।

अन्ते तेन उक्तं यत् भगवान् श्रीरामः कोटिशः भारतीयानाम् आस्थायाः सांस्कृतिकचेतनायाश्च प्रतीकः अस्ति तथा राममन्दिरं राष्ट्रस्य श्रद्धाकेन्द्रम् अस्ति। अतः राजनैतिकलाभार्थं श्रीरामं राममन्दिरं च विवादेषु नानीयताम्। तस्य अभिप्रायेण हिमाचलप्रदेशस्य जनतायाः काङ्ग्रेससर्वकारस्य राजनीतिः सम्यग् अवगता अस्ति।

Hindusthan Samachar / Dheeraj Maithani