गुवाहाटीनगरम्, १४ जुलाईमासः (हि.स.)। असमराज्यस्य मुख्यमन्त्री डॉ. हिमन्तबिस्वसरमा उक्तवान् यत् राज्यस्य अग्रिमवंशस्य भविष्यस्य संरक्षणं शासनस्य उत्तरदायित्वम् अस्ति। एतस्यैव उद्देशस्य पूर्त्यर्थं सञ्चाल्यमानयोः 'निजुत् मोइना' तथा 'निजुत् बाबु' इति योजनयोः प्रभावी-क्रियान्वयनस्य विषये सः गतरात्रौ शिक्षाविभागस्य अधिकारिभिः सह समीक्षा-सभाम् आयोजितवान्।

मुख्यमन्त्री अद्य स्वस्य सामाजिकमाध्यमे प्रकाशिते सन्देशे उक्तवान् यत् शासनं सुनिश्चितं करिष्यति यत् उभयोः योजनयोः लाभः सर्वेभ्यः पात्रविद्यार्थिभ्यः समये एव प्राप्नुयात्। सः अधिकारिभ्यः योजनयोः प्रभावी-पारदर्शी-क्रियान्वयनार्थम् आवश्यकानि पदानि स्वीकर्तुं निर्देशान् प्रदत्तवान्।

Hindusthan Samachar / Divya Ranjan