नवदिल्ली, १४ जुलाईमासः (हि.स.)। कांग्रेस-दलेन महाराष्ट्रे ‘लाडकी-बहिन-योजनातः’ बहुसंख्यक-महिलानां निष्कासनस्य विषये राज्य-सर्वकारः आलोचितः। दलेन आरोपः कृतः यत् निर्वाचनात् पूर्वं महिलाभ्यः प्रतिमासं १५०० रूप्यकाणां प्रदानस्य वचनं दत्तम् आसीत्, निर्वाचनानन्तरं च तत् २१०० रूप्यकाणि करिष्यामः इति घोषणापि कृता, किन्तु अधुना लक्षशः महिलाः योजनातः बहिः कृताः। कांग्रेस-दलेन एतत् विश्वासघातः इति निरूपितम्।

कांग्रेस-दलस्य प्रवक्ता अतुल-लोंढे-पाटिलः अत्र दलस्य मुख्यालये आयोजितायां पत्रकार-वार्तायाम् उक्तवान् यत् श्रमिकाः द्विषष्टि-लक्ष-महिलाः ई-केवाईसी-इति-प्रक्रियायाः नाम्ना योजनातः निष्कासिताः, अपरञ्च एक-लक्ष-अशीतिसहस्र-महिलाः वयः-सीमायाः कारणेन अपसारिताः। तेन उक्तं यत् निर्वाचनकाले भारतीय-जनता-पक्षेन महिलाः मातृ-भगिनीम् इव सम्बोध्य मतानि याचितानि, किन्तु निर्वाचन-समाप्तेः अनन्तरं ताः योजनातः बहिः कृताः।

Hindusthan Samachar / Divya Ranjan