सीवानः, 14 जुलाईमासः (हि.स.)।

जनपदस्य दशप्रखण्डेषु नवनिर्मितानां राजकीयस्नातकमहाविद्यालयानाम् उद्घाटनस्य मुख्यसमारोहः जुलाईमासस्य पञ्चदशदिनाङ्के हुसैनगञ्जस्थिते राजकीयस्नातकमहाविद्यालये आयोजिष्यते।

राज्यसर्वकारस्य सप्तनिश्चय त्रि योजनायाः अन्तर्गतं शिक्षा उज्ज्वलभविष्य अभियानस्य अन्तर्गतं स्थापितानाम् एतेषां महाविद्यालयानां राज्यस्तरीयम् उद्घाटनं बिहारस्य उपमुख्यमन्त्री सम्राटचौधरी पटणानगरात् ऑनलाइनमाध्यमेन करिष्यति। एतेन सह सर्वेषु नवस्थापितमहाविद्यालयेषु शैक्षणिकसत्रस्य शुभारम्भः अपि भविष्यति। सर्वेषु महाविद्यालयेषु पूर्वाह्णे दशवादने अभिमुखीकरणसह सत्रारम्भकार्यक्रमः आयोजिष्यते।

हुसैनगञ्जे आयोजितस्य मुख्यसमारोहस्य मुख्यातिथिः जनपदस्य प्रभारीमन्त्री तथा बिहारसर्वकारस्य पर्यटनमन्त्री केदारप्रसादगुप्तः भविष्यति। कार्यक्रमे जनपदस्य प्रभारीसचिवः धर्मेन्द्रसिंहः, सांसदः, सर्वे विधायकाः तथा अन्ये अनेकाः जनप्रतिनिधयः सहभागिनः भविष्यन्ति। अपरत्र आन्दर, दरौन्दा, सिसवन, नौतन, दरौली, गुठनी, बसन्तपुर, भगवानपुरहाट तथा लकडीनबीगञ्जस्थितेषु नवस्थापितराजकीयस्नातकमहाविद्यालयेषु स्थानीयजनप्रतिनिधीनां प्रशासनिकाधिकारिणां च उपस्थितौ उद्घाटनसमारोहाः आयोजिष्यन्ते।

अभिमुखीकरणकार्यक्रमस्य अवसरे नवनामाङ्कितानां छात्रछात्राणां स्वागतं करिष्यते तथा तेषां समक्षम् उच्चशिक्षायाः महत्त्वम्, महाविद्यालयेषु उपलब्धाः शैक्षणिकसुविधाः, विविधाः पाठ्यक्रमाः, अध्ययनव्यवस्था तथा भाविकार्यक्षेत्रसम्भावनाः इत्येतासां विषये सूचना प्रदास्यते।

जनपदप्रशासनेन छात्रछात्राभ्यः, अभिभावकेभ्यः, जनप्रतिनिधिभ्यः, शिक्षाविद्भ्यः तथा सामान्यनागरिकेभ्यः कार्यक्रमे अधिकाधिकसंख्यया सहभागितायै आह्वानं कृतम्। प्रशासनस्य कथनम् अस्ति यत् एतेषां महाविद्यालयानां स्थापनया ग्रामीणक्षेत्राणां विद्यार्थिनः स्वप्रखण्डे एव गुणवत्तायुक्ताम् उच्चशिक्षां प्राप्स्यन्ति तथा उच्चशिक्षाक्षेत्रे नवीनसम्भावनानां विस्तारः भविष्यति।

माध्यमिकसम्भागस्य जनपदकार्यक्रमपदाधिकारी कुमारअभिजीतः अवदत् यत् सर्वेषु नवस्थापितेषु राजकीयस्नातकमहाविद्यालयेषु उद्घाटनस्य सर्वाः सज्जताः सम्पन्नाः। भवनानां रङ्गलेपनम् पूर्वमेव सम्पन्नम् अस्ति तथा आवश्यकोपकरणानि अपि संस्थाप्यन्ते।

मुख्यमन्त्रिणः प्रत्यक्षसम्बोधनस्य प्रसारणार्थं सर्वेषु महाविद्यालयेषु एलईडीपटलानि स्थाप्यन्ते। तेन उक्तं यत् सर्वाः सज्जताः जनपदाधिकारी विवेकरञ्जनमैत्रेयस्य निर्देशनानुसारं क्रियमाणाः सन्ति तथा जनपदाधिकारी स्वयम् प्रतिदिनम् एतस्य निरीक्षणं कुर्वन्ति।

---------------

Hindusthan Samachar / Dheeraj Maithani