- गोयलः विनिर्माणं नवाचारं सहकारितां च अग्रे वर्धयितुं स्पेनस्य उद्योग मंत्रिणा सह अकरोत् वार्ताम्

नव दिल्ली, 14 जुलाईमासः (हि.स)।

केन्द्रीयवाणिज्योद्योगमन्त्री पीयूषगोयलः स्पेनदेशस्य उद्योगपर्यटनमन्त्रिणा जोर्डी हेरेउ इत्यनेन सह मेलनं कृतवान्। अस्मिन् अवसरे उभाभ्यां व्यापारनिवेशविनिर्माणनवोन्मेषपर्यटनभविष्योपयुक्तान्यन्यक्षेत्राणि च आधारीकृत्य भारतस्पेनदेशयोः सहयोगस्य सुदृढीकरणाय नूतनावसराः चर्चिताः।

केन्द्रीयवाणिज्योद्योगमन्त्री पीयूषगोयलः जुलैमासस्य त्रयोदशदिने स्पेनदेशस्य आधिकारिकयात्रायाम् गतवान्। अस्याः यात्रायाः समये भारतस्पेनदेशयोः आर्थिकसहभागितायाः गहनतां वर्धयितुं व्यापारनिवेशनवोन्मेषोद्योगक्षेत्रेषु सहयोगविस्तारस्य उद्देश्येन सः बहुषु उच्चस्तरीयबैठकेषु सहभागित्वं कृतवान्।

गोयलस्य एषा यात्रा द्विपक्षीयार्थिकसम्बन्धान् अधिकं सुदृढान् कर्तुं प्राधान्यक्षेत्रेषु सहयोगस्य नूतनमार्गान् अन्वेष्टुं च समर्पिता अस्ति। एषा यात्रा विशेषमहत्त्वपूर्णा अपि अस्ति यतः उभौ देशौ राजनयिकसम्बन्धानां सप्ततिवर्षपूर्तिम् उत्सवेन आचरितवन्तौ स्तः। भारतस्पेनदेशौ द्विभाषिकसंस्कृतिवर्षम् पर्यटनवर्षम् कृत्रिमबुद्धिमत्तावर्षम् च द्विसहस्रषड्विंशत्यधिकद्विसहस्रतमे वर्षे आयोजयतः।

एतस्मात् पूर्वं वाणिज्योद्योगमन्त्री स्पेनसर्वकारस्य वरिष्ठसदस्यैः सह उच्चस्तरीयद्विपक्षीयबैठकेषु सहभागित्वं कृतवान्। तेन व्यापारनेतृभिः निवेशप्रोत्साहनसंस्थाभिः सह संवादः कृतः तथा भारतस्पेनव्यापारमञ्चम् अपि सम्बोधितम्। अस्मिन् अवसरे आर्थिकसहयोगस्य प्रवर्धनाय अधिकानाम् औद्योगिकसहभागितानां सुविधाप्रदाय वैश्विकनिवेशकानां कृते भारतस्य वर्धमानानवसरान् प्रदर्शयितुं भारतीयव्यापारप्रतिनिधिमण्डलस्य सदस्यैः सह चर्चा कृता।

गोयलः स्पेनसर्वकारस्य प्रथमोपराष्ट्रपतिना अर्थव्यवस्थावाणिज्यव्यवसायमन्त्रिणा कार्लोस कुएर्पो कैबालेरो इत्यनेन सह द्विपक्षीयबैठकां कृतवान्। उभाभ्यां नेतृभ्यां द्विपक्षीयव्यापारनिवेशसम्बन्धानां सुदृढीकरणम् व्यावसायिकसहयोगस्य प्रवर्धनम् नवोन्मेषाधारितविकासस्य प्रोत्साहनम् आर्थिकसहयोगस्य नूतनक्षेत्राणां परिचयः च विषये विचारविमर्शः कृतः। एतदतिरिक्तं सः स्पेनदेशस्य उद्योगपर्यटनमन्त्री महामहिम जोर्डी हेरेउ बोहर इत्यनेन अपि सममिलत्।

केन्द्रीयवाणिज्योद्योगमन्त्री पीयूषगोयलः स्वस्य पञ्चदिवसीयस्य आधिकारिकस्य यूरोपयात्रायाः स्पेनबेल्जियमफिनलैण्डदेशसमाविष्टायाः प्रारम्भं स्पेनदेशे उच्चस्तरीयोपवेशनानि कृतवान्। अस्याः यात्रायाः मुख्योद्देश्यः व्यापारनिवेशप्रौद्योगिकीसहयोगस्य प्रवर्धनेन भारतस्पेनदेशयोः आर्थिकसहभागितां सुदृढां कर्तुम् अस्ति।

---------------

Hindusthan Samachar / Dheeraj Maithani