Enter your Email Address to subscribe to our newsletters
– जुलाईमासस्य १८ दिनाङ्के सायं पञ्चवादनपर्यन्तं लखनऊ-जनपद-ग्रामोद्योग-कार्यालये आवेदनं समर्पयन्तु।
– मुख्यमन्त्री-ग्रामोद्योग-रोजगार-योजनाया: तथा प्रधानमन्त्री-रोजगार-सृजन-कार्यक्रम-योजनायाः लाभार्थिनां चयनं भविष्यति।
लखनऊनगरम्, १४ जुलाईमासः (हि.स.)। उत्तरप्रदेश-खादी-ग्रामोद्योग-मण्डलस्य लखनऊ-स्थितस्य ‘पुरस्कार-योजनायाः’ अन्तर्गतं वित्तीय-वर्षे २०२६–२७ उत्कृष्टं कार्यं कृतवतीनां एककानां/लाभार्थिनां सम्मानं भविष्यति।
जनपद-ग्रामोद्योग-अधिकारी ए. के. गौतमः उक्तवान् यत् गत-त्रिवर्षेषु स्थापितानां निरन्तरं उत्कृष्टं कार्यं कुर्वतीनां तेषाम् एककानां चयनं भविष्यति, ये मुख्यमन्त्री-ग्रामोद्योग-रोजगार-योजनायाः तथा प्रधानमन्त्री-रोजगार-सृजन-कार्यक्रम-योजनायाः अन्तर्गतं वित्तपोषिता: सन्ति।
यै: एककै: गत-त्रिवर्षेषु उत्पादन-विक्रययोः क्षेत्रे उत्कृष्टं कार्यं कृतम्, तेभ्यः उत्तरप्रदेश-खादी-ग्रामोद्योग-मण्डलस्य पुरस्कार-योजनायाः अन्तर्गतं प्रोत्साहनरूपेण प्रथम-द्वितीय-तृतीय-पुरस्काराः प्रदास्यन्ते। सम्बद्ध-एकका: स्वप्रगति-प्रतिवेदनम्, उत्पादन-विक्रय-विवरणम्, वित्तपोषक-धनागारात् प्राप्त-ऋण-राशेः विवरणम्, रोजगार-सम्बद्धै: विवरणै: च सह आवेदनपत्रं समस्त-प्रपत्रैः सह जुलाईमासस्य १८ दिनाङ्के सायं पञ्चवादनपर्यन्तं जनपद-ग्रामोद्योग-कार्यालये, ८ कैण्ट-मार्गे, कैसरबागे, लखनऊ-नगरे समर्पयितुं शक्नुवन्ति।
जनपद-ग्रामोद्योग-अधिकारी उक्तवान् यत् प्राप्त-आवेदनानाम् आधारेण जनपद-स्तरीय-चयन-समित्याः माध्यमेन एककानां चयनं भविष्यति। चयनानन्तरं पात्र-एककानां प्रकरणानि मण्डल-स्तरीय-पुरस्कार-चयन-प्रक्रियायाः सम्पन्नतार्थं लखनऊ-मण्डलस्य परिक्षेत्रीय-ग्रामोद्योग-कार्यालयाय प्रेषितानि भविष्यन्ति।
Hindusthan Samachar / Divya Ranjan