Enter your Email Address to subscribe to our newsletters
नवदिल्ली, १४ जुलाईमासः (हि.स.)। विदेशमन्त्रालयेन मङ्गलवासरे उक्तं यत् पारपत्रस्य उद्देश्यं भारतीय-नागरिकाणां भारतदेशात् विदेशगमनस्य विनिमयनम् अस्ति तथा च तत् सम्यक् सत्यापनानन्तरमेव प्रदीयते। एषा घोषणा पारपत्रस्य नागरिकता-सत्यापनार्थं उपयोगस्य विषये प्रवर्तमान-विमर्शस्य मध्ये कृता। मन्त्रालयस्य अनुसारं सम्प्रति अष्टप्रतिशतात् अपि न्यूनतराः भारतीय-नागरिकाः पारपत्रं धारयन्ति।
विदेशमन्त्रालयस्य प्रवक्ता रणधीर-जायसवालः मङ्गलवासरे पत्रकार-वार्तायाम् उक्तवान् यत् भारतीय-पारपत्रं ‘पारपत्र-अधिनियमः, १९६७’ इत्यस्य प्रावधानानुसारं भारत-सर्वकारेण भारतीय-नागरिकाणां भारतदेशात् प्रस्थानस्य विनियमनार्थं प्रदीयमानं तथ्यम् अस्ति। तत् स्थापित-प्रक्रियानुसारं सम्यक् सत्यापनानन्तरमेव प्रदीयते।
तेन उक्तं यत् भारतीय-नागरिकेभ्यः अथवा अन्यस्मै व्यक्तये पारपत्रस्य प्रदानं ‘पारपत्र-अधिनियमः, १९६७’ तथा ‘पारपत्र-नियमाः, १९८०’ इत्येताभ्यां नियन्त्र्यते। सम्प्रति अष्टप्रतिशतात् अपि न्यूनतराः भारतीय-नागरिकाः पारपत्रं धारयन्ति।
उल्लेखनीयं यत् विदेशमन्त्रालयस्य वरिष्ठ-अधिकारिभिः गतस्य जूनमासस्य २४ दिनाङ्के पारपत्र-सेवा-दिवसस्य अवसरे आयोजितायां पत्रकार-वार्तायां पारपत्रं यात्रा-तथ्यम् इति निरूपितम् आसीत् तथा च एतद् नागरिकतायाः तथ्यं नास्तीति स्पष्टतया उक्तम्।
Hindusthan Samachar / Divya Ranjan