-जीतू पटवारी द्विचक्रिकयोः भोपालं प्रस्थितः,प्रत्येकस्माज्जनपदात् योक्ष्यन्ते500 युवानः

इंदौरम्, 14 जुलाईमासः (हि.स.)।

नीट-परीक्षायाः कथितानियमितताविरोधे मध्यप्रदेशकाङ्ग्रेसदलस्य ‘जेन्-जी सायक्लोथॉन’ आरब्धः।

नीट-यूजी-परीक्षायाः कथितानियमितता, प्रश्नपत्रप्रसारणम्, प्रतियोगितापरीक्षासु अनियमितताः तथा वर्धमाना बेरोजगारी इत्यादीनां विषयाणां विरोधार्थं मध्यप्रदेशकाङ्ग्रेसदलेन मङ्गलवासरे इन्दौरनगरात् भोपालनगरपर्यन्तं द्विदिवसीयः ‘जेन्-जी सायक्लोथॉन’ आरब्धः। ‘छात्राणां घोषः’ इत्यभियानस्य अन्तर्गतं प्रदेशाध्यक्षः जीतूपटवारी स्वयम् सायकलं चालयन् प्रायः द्विशतकिलोमीटरमितां यात्राम् आरब्धवान्। मार्गे सर्वत्र तस्य पुष्पमालाभिः स्वागतं कृतम्, बहवः छात्राः, युवानः तथा काङ्ग्रेसकार्यकर्तारः यात्रायां सहभागीभूताः।

प्रातःकाले देव्याः अहिल्याविश्वविद्यालयस्य नालन्दापरिसरात् यात्रायाः शुभारम्भः अभवत्। यात्रा गान्धीप्रतिमा, उच्चन्यायालयचतुष्पथः, मालवामिल्, विजयनगरम्, देवासनाका, माङ्गलिया, डकाच्या इत्यादिमार्गेण क्षिप्रां प्राप्तवती। ततः देवासम्, सीहोरम् अतिक्रम्य बुधवासरे भोपालनगरं प्राप्स्यति।

काङ्ग्रेसदलेन उक्तं यत् इन्दौरतः भोपालपर्यन्तं मार्गे स्थितप्रत्येकजिलातः प्रायः पञ्चशतं सायकलयात्रिणः अस्मिन्नभियाने सम्मिलिष्यन्ति। इन्दौर, देवास, सीहोर, भोपाल इत्येषां जनपदानां समवायेन द्विसहस्राधिकाः सायकलयात्रिणः भोपालं गमिष्यन्ति। प्रथमदिने यात्रायाः रात्रिविश्रामः सीहोरजनपदस्य आष्टानगरे भविष्यति।

काङ्ग्रेसदलेन उक्तं यत् अस्य अभियानस्य उद्देश्यं नूतनपीढ्याः युवानः संयोजयितुं, बेरोजगारी, प्रश्नपत्रप्रसारणम्, परीक्षापद्धतेः पारदर्शिता तथा शिक्षाव्यवस्थायाः विषयेषु जनजागरूकतां प्रसारयितुं च अस्ति। अतः छात्रसङ्गठनानि, युवकाङ्ग्रेसः, एनएसयूआई, विविधसायकलक्लबाः तथा व्यायामसमूहाः अपि अस्मिन्नभियाने सम्मिलिताः।

यात्रारम्भसमये प्रदेशाध्यक्षः जीतूपटवारी अवदत् यत् पञ्चविंशतिवर्षीयस्य भाजपासरकारस्य शासनानन्तरं देशे केजी-स्तरात् पीजी-स्तरपर्यन्तं गुणवत्तायुक्ता निःशुल्कशिक्षा सर्वेभ्यः उपलब्धा भवेत्। तेनोक्तं यत् एषः केवलं राजनैतिकविषयः न, अपितु सामाजिकावश्यकता अस्ति। राहुलगान्धिनः ‘छात्राणां घोषः’ अभियानस्य लक्ष्यं छात्रेभ्यः सुरक्षितां गुणवत्तायुक्तां शिक्षां प्रदातुं तथा सर्वासु प्रतियोगितापरीक्षासु व्यावसायिकपरीक्षासु च पारदर्शितां सुनिश्चितां कर्तुम् इति।

सभायां सम्बोधयन् पटवारी प्रदेशे लोकसेवापरीक्षासु व्यापं-भर्तीपरीक्षासु च अनियमिततायाः आरोपान् अकरोत्। तस्य कथनानुसारं प्रश्नपत्रप्रसारणस्य परीक्षानिरस्तीकरणस्य च घटनाभिः युवानां विश्वासः क्षीणः अभवत्। काङ्ग्रेसदलस्य आरोपः अस्ति यत् एतेषु विषयेषु राज्यसर्वकारः प्रभाविकां कार्यवाहीं कर्तुं न समर्थः अभवत्।

प्रदेशप्रभारी हरीशचौधरी अपि यात्रायाः मध्ये क्षिप्रातः अभियाने सम्मिलिष्यन्ति। जिलाध्यक्षः विपिनवानखेड़े, नगराध्यक्षः चिन्टूचौकसे च अवदताम् यत् एषा यात्रा केवलं प्रतीकात्मकः कार्यक्रमः न, अपितु शिक्षायाः पारदर्शिता, युवानां अधिकाराः, रोजगारस्य प्रश्नः च विषये जनजागरणाभियानम् अस्ति।

यात्राकाले एकस्मिन् ट्रके अत्यधिकसंख्यया कार्यकर्तारः आरूढाः। सुरक्षादृष्ट्या नगराध्यक्षेन कार्यकर्तृभ्यः अधः अवरोहणस्य अनुरोधः कृतः, ततः बहवः कार्यकर्तारः अवतीर्य यात्रायां पुनः सहभागीभूताः।

यात्रायां कुपोषणस्य विषयः अपि उत्थापितः। केचन नेतारः शिशुयानयुक्तसायकलेन सहभागित्वा एतत् राज्ये विद्यमानस्य कुपोषणस्य समस्यायाः प्रतीकत्वेन प्रदर्शितवन्तः।

काङ्ग्रेसदलेन उक्तं यत् एषः सायक्लोथॉनः केवलं विरोधप्रदर्शनं नास्ति, अपितु युवभिः, विद्यार्थिभिः, अभिभावकैः च सह संवादस्य अभियानम् अस्ति। अस्य माध्यमेन प्रश्नपत्रप्रसारणम्, बेरोजगारी, शिक्षायां पारदर्शिता तथा निःशुल्कशिक्षा इत्यादिषु विषयेषु जनसमर्थनं सम्पाद्य शासनम् उपरि आवश्यकभारो निर्मास्यते।

---------------

Hindusthan Samachar / Dheeraj Maithani