Enter your Email Address to subscribe to our newsletters
हुगली, 14 जुलाईमासः (हि. स.)।धार्मिकमान्यतानुसारं स्नानयात्रायाः अनन्तरं भगवान् जगन्नाथः अस्वस्थः भवति तथा पञ्चदशदिनपर्यन्तम् अनवसरकाले विश्रामं करोति। स्वास्थ्यलाभानन्तरं यस्मिन् दिने सः पुनः भक्तेभ्यः दर्शनं ददाति, सः दिवसः नवयौवनोत्सवरूपेण आचर्यते।
अस्मिन्नवसरे भगवाने जगन्नाथाय षट्पञ्चाशत्प्रकारकाः भोगाः समर्पिताः। तथा च भगवान् जगन्नाथः, बलभद्रः, सुभद्रा च रजतहस्तैः, सुवर्णमुकुटैः, हारैः तथा अन्यैराभरणैः अलङ्कृताः कृत्वा राजवेशः धारितः।
प्रातः सप्तवादने मन्दिरस्य मुख्यद्वारं गर्भगृहं च भक्तानां दर्शनार्थं उद्घाटितम्। मान्यता अस्ति यत् नवयौवनोत्सवस्य परदिने भगवान् जगन्नाथः रथमारुह्य स्वमातुलान्याः गृहं प्रति प्रस्थानं करोति। अतः रथयात्रायाः पूर्वम् अस्य उत्सवस्य विशेषमहत्त्वं मन्यते।
उत्सवस्य अवसरे मन्दिरपरिसरे बहुसंख्यकानां श्रद्धालूनां समागमः अभवत्। अस्मिन्नवसरे राज्यमन्त्री भास्करभट्टाचार्यः, बैरकपुरविधायकः कौस्तवबागची, चन्दननगरविधायकः दीपाञ्जनगुहः तथा अन्ये बहवः गणमान्यजनाः भगवानः दर्शनपूजनार्थम् आगतवन्तः।
मन्दिरस्य मुख्यसेवायतः पियालअधिकारी अवदत् यत् नवयौवनोत्सवः माहेशस्य प्रसिद्धतमासु धार्मिकपरम्परासु अन्यतमः अस्ति। तेन उक्तं यत् अनवसरसेवायाः समापनानन्तरं भगवान् पुष्पमालाभिः, सुवर्णमुकुटैः, हारैः तथा आभरणैः अलङ्कृतः कृत्वा राजसीस्वरूपे प्रतिष्ठापितः।
अस्मिन्नवसरे हवनयज्ञस्य माध्यमेन विशेषाभिषेकः प्राणप्रतिष्ठाविधिः च सम्पन्नः। श्रद्धालुभिः भगवाने गुटकासन्देशः, बालासन्देशः तथा विविधप्रकारकाणि मिष्टान्नानि भोगरूपेण समर्पितानि।
विधायकः कौस्तवबागची अवदत् यत् माहेशस्य जगन्नाथमन्दिरम् ऐतिहासिकधार्मिकदृष्ट्या अत्यन्तमहत्त्वपूर्णम् अस्ति। तेन उक्तं यत् राज्ये सनातनपरम्पराभ्यः हिन्दुधार्मिककार्यक्रमेभ्यश्च अधुना अधिकं महत्त्वं दीयते तथा एतादृशेषु आयोजनेषु व्यापकः जनसमर्थनम् अपि प्राप्यते।
---------------
Hindusthan Samachar / Dheeraj Maithani