१६ जुलै मध्यरात्रौ कर्कराशौ सूर्यस्य प्रवेशः दक्षिणायनस्य प्रारम्भः

एकमासपर्यन्तं व्यवसाये धने स्वास्थ्ये सम्बन्धेषु च प्रभावः भविष्यति

लखनऊ १४ जुलैमासः।

ग्रहाणां राजा भगवान् भास्करः १६ जुलै मध्यरात्रौ मिथुनराशेः निर्गत्य कर्कराशौ प्रवेशं करिष्यति। अनेन सहैव सूर्यस्य दक्षिणायनस्य प्रारम्भः भविष्यति। ज्योतिर्विद् सतीशमणित्रिपाठी हिन्दुस्थानसमाचारसंस्थायै अवदत् यत् सूर्यदेवः १७ अगस्तपर्यन्तं कर्कराशौ स्थित्वा ततः स्वगृहे सिंहराशौ प्रवेशं करिष्यति।

ज्योतिर्विदः मतानुसारं जलतत्त्वप्रधानायां कर्कराशौ सूर्यस्य अस्य गोचरस्य प्रभावः प्रकृतौ ऋतौ जनजीवने च तथा सर्वासु द्वादशराशिषु पृथक्पृथक् दृश्यते। कुत्रचित् आत्मविश्वासस्य व्यवसायस्य च उन्नतेः योगाः भविष्यन्ति, कुत्रचित् तु स्वास्थ्ये पारिवारिकसम्बन्धेषु आर्थिकविषयेषु च विशेषसावधानता अपेक्षिता भविष्यति।

राश्यनुसारं सम्भावितप्रभावाः

मेषः मातुः स्वास्थ्ये सम्पत्तौ वाहनसम्बद्धविषयेषु च सावधानता आवश्यकाः। परिवारस्य कार्यस्थलस्य च मध्ये सम्यक्सन्तुलनं करणीयम्।

वृषभः साहसपराक्रमयोः वृद्धिः भविष्यति। कनिष्ठभ्रातृभगिनीनां विषयेषु चिन्ता भवितुमर्हति। लघुयात्रायाः योगाः सन्ति।

मिथुनः धनवाक्योः संयमः आवश्यकः। आयस्य नूतनावसराः प्राप्स्यन्ते किन्तु अनावश्यकव्ययः परिहर्तव्यः।

कर्कः आत्मविश्वासः नेतृत्वक्षमता च वर्धिष्येते किन्तु अहङ्कारः विवादश्च परिहर्तव्यौ। स्वास्थ्यस्य विशेषरूपेण ध्यानं करणीयम्।

सिंहः व्ययः वर्धितुं शक्नोति। विदेशगमनस्य दूरयात्रायाः वा योगाः सन्ति। आध्यात्मिककार्येषु रुचिः वर्धिष्यते। नेत्रयोः निद्रायाश्च विषये विशेषध्यानं करणीयम्।

कन्या आयवृद्धेः संकेताः सन्ति। मित्रेभ्यः सामाजिकसम्पर्केभ्यश्च लाभः भविष्यति। चिरकालात् अवरुद्धानि कार्याणि पुनः गतिं प्राप्स्यन्ति।

तुला व्यवसाये प्रतिष्ठायां च उन्नतेः योगाः सन्ति। अधिकारिभिः सह व्यवहारे संयमः हितकरः भविष्यति।

वृश्चिकः भाग्यस्य अनुग्रहः भविष्यति। धर्मकार्येषु यात्रायां उच्चशिक्षायां गुरुजनसहयोगे च सफलतायाः सम्भावना वर्तते।

धनुः आकस्मिकपरिवर्तनानि सम्भवन्ति। निवेशे करसम्बद्धविषयेषु पैतृकसम्पत्तौ स्वास्थ्ये च विशेषसावधानता अपेक्षिता।

मकरः दाम्पत्यजीवने सहभागित्वसम्बद्धविषयेषु च सन्तुलनं रक्षणीयम्। जीवनसहचरेण सह सम्यक्संवादः आवश्यकः।

कुम्भः सेवाक्षेत्रे स्पर्धापरीक्षासु विरोधिषु च विजयस्य अवसराः सम्भवन्ति। नियमितदिनचर्यायाः स्वास्थ्यस्य च विशेषध्यानं करणीयम्।

मीनः शिक्षायाः सन्ततेः सृजनात्मककार्याणां आध्यात्मिकक्रियाणां च कृते कालः अनुकूलः भविष्यति। प्रेमसम्बन्धेषु संयमः हितकरः।

एतासां पञ्चराशीनां कृते उन्नतेः योगाः

वृषभः साहसस्य आत्मविश्वासस्य च वृद्धिः भविष्यति। नूतनकार्येषु सफलतायाः योगाः सन्ति।

कन्या आयवृद्धिः भविष्यति। अवरुद्धकार्याणि सम्पन्नानि भविष्यन्ति। मित्रसहयोगेन लाभः सम्भवति।

तुला व्यवसाये पदप्रतिष्ठायां कार्यक्षेत्रे च सम्मानस्य वृद्धिः सम्भवति।

वृश्चिकः भाग्यानुग्रहात् धर्मकार्येषु यात्रायाम् उच्चशिक्षायां च सफलतायाः संकेताः सन्ति।

कुम्भः सेवाक्षेत्रे स्पर्धापरीक्षासु विरोधिषु च विजयस्य अवसराः प्राप्तुं शक्यन्ते।

एतासां चतसृणां राशीनां कृते विशेषसावधानता अपेक्षिता

मेषः मातुः स्वास्थ्ये सम्पत्तौ वाहनसम्बद्धविषयेषु च सावधानता आवश्यकाः।

कर्कः क्रोधः अहङ्कारः विवादश्च परिहर्तव्याः। स्वास्थ्यस्य विशेषध्यानं करणीयम्।

सिंहः व्ययः वर्धितुं शक्नोति। निद्रासम्बद्धाः नेत्रसम्बद्धाश्च समस्याः न उपेक्षणीयाः।

धनुः आकस्मिकपरिवर्तनेषु निवेशे पैतृकसम्पत्तौ स्वास्थ्यसम्बद्धविषयेषु च विचारपूर्वकमेव निर्णयः करणीयः।

सन्तुलितव्यवहारः सफलतायाः कुञ्जी

ज्योतिर्विदः सतीशमणित्रिपाठी मतानुसारं कर्कराशौ सूर्यस्य प्रायः एकमासपर्यन्तं प्रवासकाले संयतव्यवहारः नियमितदिनचर्या स्वास्थ्ये सजगता विचारपूर्वकाः आर्थिकनिर्णयाश्च अधिकांशराशीनां कृते हितकराः सिद्धाः भविष्यन्ति।

Hindusthan Samachar / Dheeraj Maithani