अररिया 15 जुलाईमासः(हि.स.)।

अखिलभारतीयविद्यार्थिपरिषदः स्थापनादिवसस्य राष्ट्रियविद्यार्थिदिवसस्य च उपलक्ष्ये आयोजितानां साप्ताहिककार्यक्रमाणाम् अन्तिमदिने बुधवासरे फारबिसगञ्जनगरैककस्य तत्त्वावधानेन प्लस-टू भगवतीदेवीगोयलविद्यालयपरिसरे रङ्गावलीकार्यक्रमः आयोजितः। अयं कार्यक्रमः नगरमन्त्री आयुषभगतस्य नेतृत्वे सम्पन्नः। कार्यक्रमे छात्राः छात्राश्च आकर्षकरङ्गावलीभिः भारतीयसंस्कृतेः, राष्ट्रभक्तेः, शिक्षायाः, सामाजिकसमरसतायाश्च सन्देशं प्रदर्शितवन्तः।

अवसरे जिलासंयोजकः शिवमसाहः अवदत् यत् रङ्गावली केवलं कलायाः माध्यमं नास्ति, अपितु भारतीयसंस्कृतेः, संस्काराणां, सामाजिकैक्यस्य च प्रतीकम् अस्ति। एतादृशाः कार्यक्रमाः विद्यार्थिषु सृजनात्मकचिन्तनम्, अनुशासनम्, राष्ट्रसमर्पणभावनां च विकसितवन्ति।

उत्तरबिहारप्रान्तस्य एसएफडी-सहसंयोजकः आकाशकुमारः स्वसम्बोधने अवदत् यत् अखिलभारतीयविद्यार्थिपरिषद् गताष्टसप्ततिवर्षेभ्यः छात्रहिताय, समाजहिताय, राष्ट्रहिताय च निरन्तरं कार्यं करोति। परिषदः उद्देश्यं विद्यार्थिषु नेतृत्वक्षमतायाः, सामाजिकउत्तरदायित्वस्य, राष्ट्रनिर्माणभावनायाश्च विकासः अस्ति।

प्रदेशकार्यकारिणीसदस्यः शैलेशकुमारः अवदत् यत् राष्ट्रियविद्यार्थिदिवसः केवलम् उत्सवस्य अवसरः न, अपितु युवभिः स्वामिविवेकानन्दस्य आदर्शान् अनुसृत्य राष्ट्रनिर्माणे सक्रियभूमिकां निर्वोढुं दृढसङ्कल्पग्रहणस्य दिवसः अस्ति।

अस्मिन् कार्यक्रमे विद्यालयपरिवारस्य सदस्याः, अभाविपस्य नगरकार्यालयमन्त्री अभिनवसुदर्शनः, नगरकार्यकारिणीसदस्यः आदित्यकुमारः, प्रधानाचार्यः डॉ. प्रशान्तकुमारः, दिलीपकुमारः, मिथिलेशकुमारविश्वासः, ममताकुमारी, पूनममण्डलः, कञ्चनकुमारी, धीरेन्द्रठाकुरः तथा बहुसंख्यकाः छात्र्यः उत्साहपूर्वकं सहभागित्वम् अकुर्वन्।

Hindusthan Samachar / Dheeraj Maithani