गुवाहाटी, 15 जुलाईमासः (हि.स.)।

विश्वयुवाकौशलदिवसस्य अवसरे असमराज्यस्य मुख्यमन्त्री डा. हिमन्तबिस्वसर्मा उक्तवान् यत् दक्षाः सशक्ताश्च युवानः एव विकसितस्य असमस्य विकसितस्य भारतस्य च दृढाधारः सन्ति।

मुख्यमन्त्री स्वस्य सामाजिकमाध्यमसन्देशे राज्यस्य विकासे योगदानं कुर्वतां प्रतिभासम्पन्नानां युवानां प्रशंसां कृत्वा उक्तवान् यत् तस्य सरकारेण असमराज्यस्य १७०० अधिकेषु विद्यालयेषु कौशलशिक्षायाः विस्तारः कृतः अस्ति। तथा च विविधैः प्रशिक्षणकार्यक्रमैः युवभ्यः रोजगाराभिमुखानि कौशलानि प्रदीयन्ते।

सः उक्तवान् यत् असमकौशलविश्वविद्यालय इत्यादिभिः संस्थाभिः राज्ये कौशलविकासस्य सुदृढं वातावरणं निर्मितम् अस्ति। डा. सर्मा उक्तवान् यत् असमसरकारः युवानः वैश्विकस्तरस्य प्रतिस्पर्धायै समर्थान् कर्तुं तेषां कृते उत्तमान् अवसरान् प्रदातुं च दृढसंकल्पिता अस्ति।

------------

Hindusthan Samachar / Dheeraj Maithani