Enter your Email Address to subscribe to our newsletters
– विश्व-युवा-कौशल-दिवसे वित्तमन्त्री ओपी-चौधरी युवभ्यः शुभकामनाः प्रदत्तवान्
रायपुरनगरम्, १५ जुलाईमासः (हि.स.)। विश्व-युवा-कौशल-दिवसस्य अवसरे बुधवासरे वित्तमन्त्री ओपी-चौधरी प्रदेशस्य देशस्य च समस्तेभ्यः युवभ्यः हार्दिकाः शुभकामना: प्रदत्तवान्।
ओपी-चौधरी स्वस्य शुभकामना-सन्देशे अवदत् यत् यशस्विनः प्रधानमन्त्रीणः नरेन्द्र-मोदिनः दूरदर्शी-नेतृत्वे देशे कौशलविकासाय निरन्तरं नूतना गतिः प्राप्यते। स्किल-इण्डिया-अभियानेन सहितं विविध-उपक्रमाणां माध्यमेन युवभ्यः रोजगारोन्मुख-प्रशिक्षणं, नवाचारस्य उद्यमितायाश्च अवसराः प्रदीयन्ते, येन ते आत्मनिर्भराः भूत्वा राष्ट्रनिर्माणे महत्त्वपूर्णां भूमिकां निर्वहन्ति।
सः अवदत् यत् अद्यतनकाले कौशलमेव यूनां महत्तमा शक्तिः अस्ति। आधुनिक-प्रौद्योगिक्या, नवाचारेण तथा व्यावसायिक-दक्षतया युवानः न केवलं स्वस्य भविष्यं सशक्तं कर्तुं शक्नुवन्ति, अपितु विकसित-भारतस्य विकसित-छत्तीसगढस्य च निर्माणे महत्त्वपूर्णं योगदानमपि दातुं समर्थाः सन्ति।
वित्तमन्त्री ओपी-चौधरी युवानः निरन्तरम् अध्येतुं, स्वकौशलस्य विकासं कर्तुं तथा समाजस्य राष्ट्रस्य च प्रगतौ सक्रियतया सहभागित्वं निर्वोढुम् आह्वानं कृत्वा विश्व-युवा-कौशल-दिवसस्य पुनः शुभकामनाः प्रदत्तवान्।
Hindusthan Samachar / Divya Ranjan