नवदिल्ली, 15 जुलाईमासः (हि.स.)।प्रधानमन्त्री नरेन्द्रमोदी भारतब्रिटेनदेशयोः मध्ये सम्पन्नस्य व्यापकार्थिकवाणिज्यसहमतस्य तथा सामाजिकसुरक्षासमझौतस्य प्रवर्तनम् अभ्यनन्दत् तथा एतत् उभयदेशयोः रणनीतिकसाझेदार्याः इतिहासे मीलस्तम्भरूपम् इति अवदत्। तेन उक्तं यत् एताभ्यां सहमताभ्यां उभयदेशयोः आर्थिकसम्बन्धाः अधिकं सुदृढाः भविष्यन्ति तथा कृषकाणाम्, उद्यमिनाम्, सूक्ष्मलघुमध्यमोद्यमानाम्, कुशलभारतीयव्यावसायिकानां च कृते नूतनाः अवसराः उद्घाटिताः भविष्यन्ति।

प्रधानमन्त्री मोदी केन्द्रीयवाणिज्योद्योगमन्त्री पीयूषगोयलस्य एक्ससन्देशस्य प्रतिक्रियारूपेण अवदत् यत् भारतब्रिटेनसाझेदार्याः कृते एषः महत्त्वपूर्णः क्षणः अस्ति। तेन उक्तं यत् व्यापकार्थिकवाणिज्यसहमतस्य तथा सामाजिकसुरक्षासहमतस्य प्रवर्तनात् उभयदेशयोः संयुक्ताः महत्त्वाकाङ्क्षाः वास्तविकावसरेषु परिवर्तिष्यन्ते।

प्रधानमन्त्री अवदत् यत् व्यापकार्थिकवाणिज्यसहमतं भारतीयकृषकाणाम्, उद्यमिनाम्, सूक्ष्मलघुमध्यमोद्यमक्षेत्रस्य च नूतनां गतिं प्रदास्यति। अनेन भारतीयस्य अनेकेषां प्रमुखोद्योगानां ब्रिटेनदेशस्य विपणिं प्रति अधिकसुदृढः प्रवेशः भविष्यति। तेन सह प्रौद्योगिकी, व्यावसायिकसेवा, नवोन्मेषक्षेत्रयोः सहयोगः वर्धिष्यते तथा कुशलभारतीयप्रतिभानां गमनागमनम् अपि प्रोत्साहनं प्राप्स्यति।

तेन उक्तं यत् सामाजिकसुरक्षासहमतं ब्रिटेनदेशे अस्थायिरूपेण कार्यरतानां भारतीयव्यावसायिकानां कृते महतीं राहतिं प्रदास्यति तथा भारतीयोद्यमानां वैश्विकप्रतिस्पर्धात्मकतां सुदृढां करिष्यति। प्रधानमन्त्री अवदत् यत् एषा उपलब्धिः उभयोः लोकतान्त्रिकदेशयोः परस्परविश्वासस्य व्यापारप्रौद्योगिकीविनिवेशनवोन्मेषाधारितभविष्यसाझेदार्याः प्रति प्रतिबद्धतायाः च प्रतीकः अस्ति। तेन विश्वासः व्यक्तीकृतः यत् भारतब्रिटेनदेशौ संयुक्तसमृद्धेः लक्ष्येन अग्रे अपि सहकार्यं निरन्तरं करिष्यतः।

अस्मात् पूर्वं केन्द्रीयवाणिज्योद्योगमन्त्री पीयूषगोयलः एक्समाध्यमे अवदत् यत् अद्य भारतब्रिटेनसम्बन्धेषु ऐतिहासिकी उपलब्धिः अभिलेखिता। तेन उक्तं यत् प्रधानमन्त्री नरेन्द्रमोदिनः नेतृत्वे भारतब्रिटेनव्यापकार्थिकवाणिज्यसमझौतं तथा सामाजिकसुरक्षासहमतं प्रभावी अभवत्। अस्य अन्तर्गतं भारतस्य प्रायः नवतिनवनवतिशतांशनिर्यातवस्तूनि शून्यसीमाशुल्केन ब्रिटेनदेशस्य विपणौ प्रवेशं प्राप्स्यन्ति, यत् प्रायः शतप्रतिशतव्यापारमूल्यं व्याप्नोति।

गोयलः अवदत् यत् अस्मात् सहमतात् वस्त्रचर्मरत्नाभरणयन्त्रनिर्माणसमुद्रजन्यउत्पादरसायनप्रसंस्कृतखाद्यसूक्ष्मलघुमध्यमोद्यमकृषकविनिर्माणक्षेत्राणां कृते अभूतपूर्वाः अवसराः भविष्यन्ति। तेन सह सूचनाप्रौद्योगिकी, व्यावसायिकसेवा, वित्तीयसेवा, शिक्षाक्षेत्रे तथा व्यवसायिकसेवाक्षेत्रे अपि नूतनाः अवसराः सृज्यन्ते तथा भारतीयप्रतिभानां वैश्विकगतिशीलता वर्धिष्यते।

तेन उक्तं यत् सामाजिकसुरक्षासहमतस्य अन्तर्गतं ब्रिटेनदेशे अस्थायिनियुक्तिं प्रति गच्छन्तः भारतीयव्यावसायिकाः पञ्चवर्षपर्यन्तं द्विगुणसामाजिकसुरक्षाअंशदानात् मुक्तिं प्राप्स्यन्ति, येन भारतीयकार्यबलस्य वैश्विकप्रतिस्पर्धात्मकता अधिकं सुदृढा भविष्यति।

गोयलः ब्रिटेनदेशस्य स्वसमकक्षं पीटरकाइलं तथा उभयदेशयोः वार्तादलयोः सदस्यांश्च समझौतस्य सफलतया अन्तिमरूपप्रदानाय धन्यवादं ज्ञापयन् अवदत् यत् भारतब्रिटेनदेशौ सुदृढनवोन्मेषाधारितसाझेदार्याः माध्यमेन दीर्घकालिकविकासं विनिवेशं संयुक्तसमृद्धिं च अग्रे नेतुं प्रतिबद्धौ स्तः।

---------------

Hindusthan Samachar / Dheeraj Maithani