रामगढ़म्, 15 जुलाईमासः (हि.स.)।

रामगढनगरस्य मुख्यमार्गस्थिते दिगम्बरजैनमन्दिरे परमपूज्याचार्यवसुनन्दीजीमहाभागस्य परमप्रभावकशिष्यौ मुनिश्री १०८ पुण्यानन्दजी तथा मुनिश्री १०८ शुभानन्दजी ससंघयोः मङ्गलप्रवासः अत्यन्तं श्रद्धाभक्त्युत्साहैः सह प्रवर्तते।

मुनिसंघस्य सान्निध्ये प्रतिदिनं विविधाः धार्मिकक्रियाः आयोज्यन्ते। एताभिः धार्मिकक्रियाभिः समाजे नवचेतनायाः सञ्चारः भवति। एतस्मात् प्रेरणां प्राप्य रामगढसमाजः अस्य संघस्य चातुर्मासस्य आयोजनाय समुत्सुकः अस्ति।

एतस्मिन् विषये बुधवासरे रामगढसमाजस्य प्रतिनिधिमण्डलं सचिवयोगेशसेठीमहाभागस्य नेतृत्वे कोलकातानगरे विराजमानस्य पूज्याचार्यभगवतः वसुनन्दीमहाभागस्य सन्निधिं गत्वा अस्य संघस्थगुरुदेवयोः चातुर्मासस्य आयोजनार्थं विनयपूर्वकं निवेदनम् अकरोत्। तदनन्तरम् आचार्यश्री समाजस्य आकाङ्क्षाणां सम्मानं कृत्वा उभौ करौ उत्थाप्य समाजस्य सदस्येभ्यः स्वीयं मङ्गलाशीर्वादम् अददात्।

कार्यक्रमस्य विषये समाजस्य सचिवः योगेशसेठीमहाभागः अवदत् यत् मुनिसंघस्य चातुर्मासस्य आयोजनाय समाजः अत्यन्तम् उत्सुकः अस्ति। आचार्यश्रियः आशीर्वादानन्तरं रामगढस्य पुण्यभूमौ प्रथमवारं कस्यचित् मुनिसंघस्य चातुर्मासः सम्पन्नः भविष्यति। एतत् अस्माकं सर्वेषां गौरवस्य विषयः अस्ति। समाजस्य प्रत्येकः सदस्यः अस्य चातुर्मासस्य सफलाय आयोजनाय स्वकीयं सर्वोत्तमं योगदानं दातुं सज्जः अस्ति।

प्रतिनिधिमण्डले सचिवस्य अतिरिक्तं संजयसेठी देवेन्द्रगंगवालः सहसचिवः विकासरपरिया जैनमहिलासमाजस्य अध्यक्षा अरुणाजैन ममतागंगवालः निशासेठी च समाविष्टाः आसन्। एषा सूचना जैनसमाजस्य मीडियाप्रभारी श्रवणजैनेन बुधवासरे पत्रकारविज्ञप्त्या प्रदत्ता।

---------------

Hindusthan Samachar / Dheeraj Maithani