रांची, 15 जुलाईमासः (हि.स.)। महादेवी बिड़ला नर्सिङ्ग् तथा नैदानिकप्रौद्योगिकीसंस्थायाः (एमबीआईएनसीटी) अष्टाविंशतिः छात्राः बुधवासरे षण्मासात्मकायै नैदानिकप्रशिक्षणार्थं पुणेनगरस्थितम् आदित्यबिड़ला स्मारकचिकित्सालयं प्रति प्रस्थिताः। संस्थानेन एतत् विद्यार्थिनां व्यावसायिककौशलस्य व्यावहारिकानुभवस्य च सुदृढीकरणदिशि महत्त्वपूर्णं पदक्षेपत्वेन वर्णितम्।

संस्थानस्य विज्ञप्त्यानुसारं प्रशिक्षणावधौ छात्राः आधुनिकस्वास्थ्यसेवानां, उन्नतचिकित्साप्रक्रियाणां तथा रोगिकेन्द्रितपरिचर्यायाः व्यावहारिकं प्रशिक्षणं प्राप्स्यन्ति। तदतिरिक्तम् अनुभवीनां चिकित्सकानां स्वास्थ्यविशेषज्ञानां च मार्गदर्शने कार्यकरणस्य अवसरः अपि तेभ्यः भविष्यति। अनेन तेषां व्यावसायिकज्ञानं, तकनीकीदक्षता, नैदानिककौशलं च अधिकं परिष्कृतं भविष्यति।

सरलाबिड़ला विश्वविद्यालयस्य प्रतिकुलाधिपतिः बिजयकुमारदलानः, महानिदेशकः प्रो. गोपालपाठकः, कुलपतिः प्रो. सी. जगनाथनः तथा राज्यसभासांसदः नियोजनविकासविभागस्य निदेशकः डॉ. प्रदीपकुमारवर्मा च छात्रेभ्यः शुभकामनाः प्रदाय उक्तवन्तः यत् नैदानिकप्रशिक्षणं नर्सिङ्ग्शिक्षायाः अत्यन्तमहत्त्वपूर्णः अंशः अस्ति। एतत् विद्यार्थिभ्यः वास्तविकपरिस्थितिषु कार्यानुभवं प्रददाति तथा च तान् कुशलान् संवेदनशीलान् स्वास्थ्यकर्मिणः भवितुं समर्थान् करोति।

ते विश्वासं व्यक्तवन्तः यत् पुणेनगरे प्राप्तेन प्रशिक्षणेन अनुभवेण च छात्राः भविष्ये समाजाय गुणवत्तापूर्णाः मानवीयाश्च स्वास्थ्यसेवाः प्रदाने महत्त्वपूर्णां भूमिकां निर्वहिष्यन्ति। संस्थानस्य विश्वविद्यालयस्य च गौरवं रक्षन्तः उत्कृष्टं प्रदर्शनं कर्तुमपि तेभ्यः अपेक्षा व्यक्ता।विद्यार्थिनां प्रेषणसमये संस्थानस्य प्राचार्या डॉ. सुबानीबाडा, नर्सिङ्ग्प्रशासकः आशुतोषद्विवेदी, उपप्राचार्या डॉ. मीनलश्वेता, निरोलिनकुल्लू, अञ्जनामसीह तथा अन्ये अध्यापकाः अधिकारिणश्च उपस्थिताः आसन्। सर्वे छात्रान् अनुशासनेन, समर्पणेन, पूर्णनिष्ठया च प्रशिक्षणं सफलतया सम्पन्न्य संस्थानस्य यशः वर्धयितुं शुभाशिषः प्रदत्तवन्तः।-------------

Hindusthan Samachar / Dheeraj Maithani