कानपुरम्, 15 जुलाईमासः (हि.स.)।भगवतः जगन्नाथस्य शोभायात्रायाः प्रारम्भात् पूर्वं सम्पूर्णः यात्रामार्गः सम्यक् सुसज्जः क्रियताम्। सर्वेषां गर्तानां मरम्मतकार्यं लम्बमानविद्युत्ताराणां सम्यक् व्यवस्थापनं मार्गस्य स्वच्छीकरणम् अनावश्यकफलकानां चतुष्पथेभ्यः अपसारणं तथा यात्रामार्गस्य सुरक्षितव्यवस्थितरूपेण निर्माणकार्यं युद्धस्तरेण शीघ्रमेव सम्पाद्यताम्। एतानि वचनानि बुधवासरे आर्यनगरविधानसभाक्षेत्रस्य समाजवादीपक्षस्य विधायकः अमिताभबाजपेयी अवदत्।

आगामिन्याः भगवतः जगन्नाथस्य यात्रायाः दृष्ट्या जनरलगञ्जतः निर्गन्तुं प्रस्तावितस्य शोभायात्रामार्गस्य अद्य आर्यनगरस्य विधायकः अमिताभबाजपेयी नगरनिगमस्य केस्को संस्थायाश्च अधिकारिभिः सह स्थलीयं निरीक्षणम् अकरोत्। अस्मात् पूर्वम् अपि वरिष्ठाधिकारिभिः मार्गस्य निरीक्षणं कृतम् आसीत् तथापि आवश्यककार्याणि अद्यावधि सम्पन्नानि न अभवन्।

अस्मिन् अवसरे मार्गस्य अनेकस्थानेषु लम्बमानविद्युत्तारान् भग्नमार्गान् गर्तान् भग्नपैचकार्यं मार्गे विस्तीर्णां मलिनतां तथा भित्तिषु श्यामगञ्जचतुष्पथे च स्थापितान् मलिनपोस्टरान् दृष्ट्वा विधायकः अमिताभबाजपेयी अधिकारिषु अप्रसन्नः अभवत्। सः तीव्रां नाराजगीं प्रकटयन् अवदत् यत् यात्रायाः आरम्भाय अधुना केवलम् एकः दिवसः अवशिष्टः अस्ति। पूर्वम् अपि अनेकैः वरिष्ठाधिकारिभिः निरीक्षणं कृतम् तथापि आवश्यककार्याणि अद्यावधि सम्पन्नानि न सन्ति। एषा घोरा प्रमादशीलता अस्ति तथा श्रद्धालूनां सुरक्षायाः विषये कस्यापि प्रकारस्य उपेक्षा न स्वीकरिष्यते।

निरीक्षणसमये नगरनिगमस्य अधिशासी अभियन्ता अवर अभियन्ता तथा केस्को संस्थायाः अधिशासी अभियन्ता अवर अभियन्ता च सम्बद्धविभागानां अन्ये अधिकारिणः अपि उपस्थिताः आसन्।

अस्मिन् अवसरे ज्ञानू बिश्नोई सौरभगुप्तः पार्षदः रजतबाजपेयी चंकीगुप्तः नारायणदीक्षितः विनोदपाण्डेयः हर्षनागवंशी नरेशद्विवेदी तनिष्कगुप्तः संस्कारखरे निखिलगुप्तः पुण्यजैनः विक्कीजायसवालः इत्यादयः बहवः कार्यकर्तारः स्थानीयनागरिकाश्च उपस्थिताः आसन्।

Hindusthan Samachar / Dheeraj Maithani