Enter your Email Address to subscribe to our newsletters
नव दिल्ली, 15 जुलाईमासः (हि.स.)।
भारतीयभैषज्यसङ्ग्रहआयोगः तथा उत्तरप्रदेशप्रोत्साहितऔषधपरिषद् स्वास्थ्यक्षेत्रे गुणवत्तां नवोन्मेषं नियामकश्रेष्ठतां च प्रोत्साहयितुं समझौताज्ञापनपत्रे हस्ताक्षरं कृतवन्तौ। अस्याः रणनीतिकसाझेदार्याः उद्देश्यं औषधनिर्माणचिकित्सोपकरणक्षेत्रयोः गुणवत्तामानकान् सुदृढीकर्तुं, नियामकानुपालनं प्रोत्साहयितुं, नवोन्मेषं क्षमता निर्माणं च संवर्धयितुम् अस्ति।
समझौतस्य अन्तर्गतं उभे संस्थे संयुक्तरूपेण औषधनिर्माणचिकित्सोपकरणोद्योगयोः गुणवत्तामानकान् नियामकानुपालनं च सुदृढीकुरुतः। तेन सह भारतीयभैषज्यसङ्ग्रहस्य, भैषज्यसतर्कतायाः, चिकित्सोपकरणसतर्कतायाः च विषये जनजागरणम् अपि वर्धयिष्यते।
एतदतिरिक्तं संयुक्तप्रशिक्षणकार्यक्रमाः, कार्यशालाः, हितधारकाणां कृते जनजागरणाभियानानि च आयोजिष्यन्ते। उद्योगानां शिक्षणसंस्थानां च मध्ये सहयोगं वर्धयित्वा अनुसन्धानं नवोन्मेषं च प्रोत्साहयिष्यते। सूक्ष्मलघुमध्यमोद्यमेभ्यः प्रतिकूलघटनानां डिजिटलमाध्यमेन प्रतिवेदनाय आधुनिकसाधनानि प्रदास्यन्ते तथा गुणवत्ताश्वासनस्य विपण्यां उपलब्धानां उत्पादानां निरीक्षणस्य च माध्यमेन रोगिणां सुरक्षा अधिकं सुदृढा भविष्यति।
भारतीयभैषज्यसङ्ग्रहआयोगेन बुधवासरे उक्तं यत् एषा साझेदारी उच्चगुणवत्तायुक्तस्वास्थ्यसेवानां संवर्धनाय, नवोन्मेषस्य समर्थनाय, भारतस्य नियामकतन्त्रस्य सुदृढीकरणाय च महत्त्वपूर्णः उपायः अस्ति। अस्य उद्देश्यं उत्तरप्रदेशं औषधनिर्माणचिकित्सोपकरणस्वास्थ्यप्रौद्योगिकीक्षेत्रेषु अग्रणीकेन्द्ररूपेण विकसितुं सहयोगं प्रदातुम् अस्ति।
---------------
Hindusthan Samachar / Dheeraj Maithani