- गड़चिरौली-चंद्रपुरस्य 18 विद्यार्थिनः अपश्यन् आईआईएम इत्यस्य विश्वस्तरीयं परिसरम्

नागपुरम्, 15 जुलाईमासः (हि.स.)।

येषां जीवनं कदाचित् गोलीप्रहारध्वनिभिः, बारूदगन्धेन, नक्सलहिंसायाः भयेन च परिव्याप्तम् आसीत्, महाराष्ट्रस्य गडचिरौलीचन्द्रपुरयोः आदिवासीप्रदेशयोः अष्टादश छात्राः अधुना नूतनस्वप्नैः नूतनाशाभिः च सह भारतीयप्रबन्धनसंस्थां नागपुरम् आगताः। विश्वस्तरीयशैक्षणिकपरिवेशं दृष्ट्वा तेषां विद्यार्थिनां नेत्रेषु उज्ज्वलभविष्यस्य स्वप्नानि स्पष्टतया प्रकटितानि। अस्मिन् अवसरे भारतीयप्रबन्धनसंस्थायाः नागपुरनिदेशकः डा भीमरायमैत्री विद्यार्थिभिः सह आत्मीयसंवादं कृत्वा स्वस्य संघर्षपूर्णजीवनकथां कथितवान् तथा शिक्षायाः माध्यमेन जीवनपरिवर्तनस्य सन्देशम् अददात्।

महाराष्ट्रस्य अनेके जनपदाः दीर्घकालपर्यन्तं नक्सलहिंसायाः प्रभावेन पीडिताः आसन्। किन्तु केन्द्रराज्यसरकारयोः संयुक्तप्रयत्नैः सुरक्षाबलानां कार्यवाहिभिः च एतेषु प्रदेशेषु परिस्थितिः शीघ्रं परिवर्तिता। अरण्येषु अधुना भयस्य स्थाने शिक्षा, विकासः, आत्मनिर्भरता च नूतनाम् आशां जनयन्ति। अस्य परिवर्तनस्य वातावरणे चन्द्रपुरस्य सामाजिकसंस्था जागृत इत्यनेन गडचिरौलीचन्द्रपुरयोः द्वादश छात्राणां षट् छात्राणां च विशेषशैक्षणिकअध्ययनयात्रा आयोजिता। अस्याः यात्रायाः अन्तर्गतं विद्यार्थिनः भारतीयप्रबन्धनसंस्थां नागपुरम् अभ्यदर्शयन्।

विश्वस्तरीयपरिसरम्, आधुनिकशैक्षणिकभवनानि, विशालग्रन्थालयः, अत्याधुनिकसुविधाः च दृष्ट्वा छात्राः छात्र्यः च अत्यन्तम् उत्साहिताः अभवन्। एषः तेषां कृते केवलं संस्थाभ्रमणम् एव नासीत्, अपितु स्वस्वप्नानां नूतनदिशां प्रदातुं समर्थः अविस्मरणीयः अनुभवः अभवत्।

अस्मिन् अवसरे भारतीयप्रबन्धनसंस्थायाः नागपुरनिदेशकः डा भीमरायमैत्री औपचारिकसम्बोधनस्य स्थाने परिवारस्य मुखियवत् छात्रैः सह मुक्ततया संवादम् अकरोत्। सः स्वबाल्यकालस्य संघर्षान् स्मारयन् अवदत् यत् सः महाराष्ट्रस्य साताराजनपदस्य जतआटपाडीप्रदेशस्य अत्यन्तपिछडितग्रामात् आगतः, यत्र तस्मिन् काले उच्चमाध्यमिकविद्यालयः अपि नासीत्। कठिनपरिस्थितिषु अपि सः निरन्तरं परिश्रमम् अकरोत् तथा शिक्षायाः प्रभावेण अद्य एतत् उच्चस्थानम् प्राप्तवान्।

सः विद्यार्थिनः प्रति अवदत्, भवतां मातापितरौ अशिक्षितौ स्तः इति भवतां शिक्षायाः बाधा न भवितुम् अर्हति। यदि लक्ष्यं स्पष्टं भवेत्, परिश्रमः च निष्ठया क्रियेत, तर्हि कापि परिस्थिति सफलतायाः मार्गं न निरोद्धुं शक्नोति।

संवादस्य समये एका छात्रा अपृच्छत् यत् जीवने किं अधिकमहत्त्वपूर्णम् अस्ति, कठिनपरिश्रमः उत चातुर्ययुक्तः परिश्रमः। अस्मिन् विषये डा भीमरायमैत्री अवदत्, कठिनपरिश्रमस्य कश्चित् विकल्पः नास्ति। यदा भवतः परिश्रमः फलप्रदः भवति, तदा सः स्वयमेव चातुर्ययुक्तपरिश्रमः भवति।

कार्यक्रमे भारतीयप्रबन्धनसंस्थायाः नागपुरस्य प्राध्यापकः शैलेन्द्रनिगमः अपि छात्रेभ्यः संस्थायाः विकासयात्रां, शिक्षणव्यवस्थां, उच्चशिक्षायाः अवसरान् च अवगतवान्। सः आर्थिककठिनतासम्बद्धाः विद्यार्थिनां शङ्काः निराकृत्य अवदत् यत् भारतीयप्रबन्धनसंस्थावत्सु प्रतिष्ठितसंस्थासु प्रतिभा परिश्रमः च एव महानिधिः अस्ति। सः गुणवत्ताआवश्यकताआधारितछात्रवृत्तीनां, सरकारीयोजनानां, शिक्षाऋणसुविधानां च विषये सूचनां दत्त्वा विद्यार्थिनः प्रति अवदत्, धनस्य चिन्तां त्यक्त्वा केवलं परिश्रमे ध्यानं कुर्वन्तु। भवतां सफलता एव भवतां परिवारस्य, समाजस्य, राष्ट्रस्य च गौरवम् भविष्यति।

भारतीयप्रबन्धनसंस्थायाः नागपुरस्य अयं अनुभवः आदिवासीविद्यार्थिनां कृते जीवनपरिवर्तनकारी अभवत्। यदा ते अपश्यन् यत् देशस्य अग्रगण्यप्रबन्धनसंस्थायाः निदेशकः अपि तादृशीभ्यः विषमपरिस्थितिभ्यः निर्गत्य एतत् स्थानं प्राप्तवान्, तदा तेषाम् अन्तःकरणेषु अपि महान् लक्ष्यप्राप्तये नूतनः आत्मविश्वासः जागृतः।

अस्मिन् अध्ययनभ्रमणे अजयमहाका, रञ्जूमडावी, निलेशमडावी, बालाजीकलंगा, लक्ष्मीदुर्वे, मोनिकाकोटनाके, अजयकोडापे, शङ्करकन्नाके, राजूकलंगा, चिन्नामहाका इत्यादयः अन्ये विद्यार्थिनः च सहभागी अभवन्। स्वग्रामं प्रत्यागच्छन्तः तेषां समीपे केवलं भारतीयप्रबन्धनसंस्थायाः स्मृतयः एव नासन्, अपितु महान् स्वप्नानि साकारयितुं दृढः सङ्कल्पः अपि आसीत्।--------------

Hindusthan Samachar / Dheeraj Maithani