– चेकसारी-ग्रामे आयोजिते कार्यक्रमे हरित-उर्वरकं विविध-शस्यबीजानि च वितरितानि

मीरजापुरम्, १५ जुलाईमासः (हि.स.)। उत्तरप्रदेशस्य मीरजापुर-जनपदे विकास-खण्डस्य कोन-क्षेत्रस्य चेकसारी-ग्रामे बुधवासरे शासनस्य अनुदानित-कृषिकिट्-वितरण-योजनायाः अन्तर्गतं कार्यक्रमः आयोजितः। अस्मिन् कार्यक्रमे भारतीयजनतापक्षस्य जनपदाध्यक्षः लालबहादुर-सरोजः प्रायः १५० कृषकेभ्यः कृषिकिट् वितर्य वर्षा-ऋतौ उत्पाद्यमानानां शस्यानां समये एव बीजवपनं कर्तुम् आह्वानम् अकरोत्।

कृषिविभागेन वितरितासु स्यूतेषु हरितोर्वरकं, विपण-बीजानि, अरहर-बीजानि, तिल-बीजानि, माष-बीजानि तथा अन्येषां शस्यानां बीजानि समाविष्टानि आसन्। जनपदाध्यक्षः स्वहस्तेन कृषकेभ्यः किट् प्रदाय उक्तवान् यत् कृषकाः वर्षाकालस्य अनुकूलतां स्वीकृत्य समये एव क्षेत्राणां कर्षणं बीजवपनं च कुर्वन्तु। तेन उक्तं यत् प्रदेशसर्वकारः कृषकाणाम् आयवृद्ध्यर्थं निरन्तरं विविधाः योजनाः सञ्चालयति तथा उर्वरक-बीजयोः उपलब्धताम् अपि सुनिश्चितां करोति। सः आश्वासनम् अयच्छत् यत् कृषकेभ्यः उर्वरकस्य बीजस्य च कदापि न्यूनता न भविष्यति।

अस्मिन् अवसरे खण्डविकासाधिकारी शैलेन्द्रसिंहः कृषकान् कृषक-पञ्जीकरणं कर्तुम् अनुरोधम् अकरोत्। सः अवदत् यत् पञ्जीकरणेन कृषकाः विविध-शासकीय-योजनानां लाभं प्रत्यक्षतया पारदर्शकरूपेण च प्राप्स्यन्ति। तेन सह कृषिविभागस्य योजनानां लाभग्रहणेऽपि सुविधा भविष्यति।

कार्यक्रमे भाजपायाः वरिष्ठनेतारः रमेश-दुबे, मनोजकुमार-दुबे, मनीष-दुबे, ग्रामप्रधानः हरिशङ्कर-सरोजः, बहु-संख्याकाः कृषकाः, जनप्रतिनिधयः तथा भाजपाकार्यकर्तारः उपस्थिताः आसन्। कृषकैः शासनस्य अस्य प्रयत्नस्य स्वागतं कृतम् तथा समये एव कृषिसामग्रीणां उपलब्धतायै सन्तोषः अपि व्यक्त:।

Hindusthan Samachar / Divya Ranjan